Сүхбаатар аймгийн засаг дарга Ж.Батсуурь аудитын шалгалтаар орж байна
2012-05-23 12:46
Монгол улсын татварт нэг ч төгрөгний татвар төлдөггүй том толгойтой Петрочайна Дачин Тамсагийн асуудлууд ар араасаа нийгэмд цочрол өгсөөр байна. Гэтэл энэ компани Сүхбаатар аймгийн Засаг даргын тамгын газарт 15 сая төгрөгний хандив өргөж, энэ хандив тэр чигээрээ алга болсон хэрэг бас л сөхөгдөв. Энэ хэргээс болж тус аймгийн засаг дарга Ж.Сүхбаатар нэгдүгээр сард Авлигатай тэмцэх газарт дуудагдаж шалгагдсан ч энэ ч хэрэг чимээгүй өнгөрсөн. Одоогоор аймгийн Засаг дарга Ж.Батсуурь үүрэгт ажлаа хийсэн хэвээр байгаа бөгөөд хотоос очсон урлаг соёлынхонтой найзалж нөхөрлөн өөрийнхөө хаусанд байрлуулж их л дайлж цайлдаг болжээ.

Түүний ажил болон аймгийн Засаг даргын тамгын газарт яг одоогоор аудитын шалгалт орж байгаа бөгөөд дээрх 15 саяас гадна орон нутгийн мэдлийн малд тооллого хийх гэнэ. Тэрээр урлагийн ажилтны баяраар чуулгынхаа ажилчдад хүн бүрт толгой дараалан хонь бэлэглэсэн хэмээн мэдэгдэж байгаа аж. Учир зүггүй бэлэг барина гэж юу байх вэ? Ямар нэгэн эдийн засгийн ашиг сонирхол ард нь нуугдсан ч байж болох. Ямартаа ч хоёр сарын дараа 70 жилийн ойгоо тэмдэглэх гэж байгаа Сүхбаатар аймгийн хувьд аудитын шалгалттай хоног өдрүүд үргэлжилж байна.
П.Сүндэр (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна