Хотын орлогч Б.Мөнхбаатар дүүргээ санагалзав
2012-05-31 11:16
УИХ-ын ээлжит сонгуульд өрсөлдөх нэр дэвшигчдийн цөөнгүй хувийг 1970-аад оныхон эзэлжээ. Энэ нь шинэ парламентын дийлэнх хувийг шинэ цагийн улс төрчид бүрдүүлэх болов уу гэсэн дүр зургийг харуулж байна.

Юутай ч шинэ үеийг тодорхойлох шинэ цагийн чадвартай улс төрчдийн тоонд олон залуус байгаагийн дотор Нийслэлийн орлогч дарга Б.Мөнхбаатар зүй ёсоор багтаж байгаа агаад тэрбээр энэ удаагийн УИХ-ын сонгуульд МАН-аас Баянзүрх дүүрэгт нэр дэвшихээр болов.
    
Хотын орлогч даргаар ажиллахдаа нийслэл хотын түгжрэлийг задлах ажлыг идэвхитэй эхлүүлж, гэр хорооллын дундуур олон зам нээсэн билээ. Оюутан байхдаа улс төрд хөл тавьсан түүнийг МАН доторх боловсролтой залуусын нэг хэмээн өрсөлдөгчид нь үзэж байна.

БСШУ-ны яамнаас ажлын гараагаа эхлүүлж, Баянзүрх дүүргийн Засаг даргаар ажиллаж байсан тэрбээр өдгөө Хотын орлогч даргын албыг хашиж байгаа билээ. Б.Мөнхбаатар нь 2000 оны дундуур Английн Зүүн Лондоны их сургуульд бизнесийн удирдлагаар магистрын зэрэг хамгаалж байжээ.
Х.Балт /www.wikimon.mn/
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Zochin
    MANTUU MUNKHBAATAR GEJ ENE DEE
    2012 оны 09 сарын 11 | Хариулах