Далай багшийн есөн боть хэвлэгдэн гарлаа
2013-03-23 13:24
Дэлхийн Буддын шашны тэргүүн Дээрхийн гэгээн XIV Далай лам Данзанжамцын бүтээл туурвилд монголчууд бид хүндэтгэлтэйгээр хандан талархан уншдаг билээ. Тэгвэл энэ их ариун цагаан үйлийг гүйцэлдүүлж сүсэгтэн олныг Дээрхийн гэгээнтний ном сургаалтай учруулж байдаг зохиолч, орчуулагч О.Чинбаяр их багшийн есөн боть бүтээлийг Монголд анх удаа олны хүртээл болгожээ.

Тэрбээр хоёр ч удаа Далай багштай уулзаж учрахдаа, Дээрхийн гэгээнтний туурвисан ном бүтээлийг эх хэл дээрээ орчуулснаа дуулгаж номынхоо дээжийг өргөн барьжээ. 2011 оны 11 дүгээр сарын эхээр Монголд ердөө гуравхан хоног айлчлаад буцсан их багштан “Сонгомол бүтээлүүд” номон дээр орчуулагч залууд зориулж мутраа хайрласан бөгөөд тэднийг дурсгалын зураг татуулж байх хойгуур нь өнөөх ном нь алга болсон гэдэг. Гэтэл хоёр долоон хоногийн дараа Дилав хутагтын Монгол дахь төлөөлөгч нэгэн бээр орчуулагчийг эрж сурсаар номыг нь авчирч өгчээ.

Тэрбээр ярихдаа, “Энэ ном ямар учраас над дээр ирснийг би хэлж мэдэхгүй юм. Юутай ч Далай багшийн ерөөл бичсэн энэхүү номыг эзнийг нь олж өгөөрэй гэж Дилав хутагт  айлдсан тул арайхийн сураглан байж олж ирлээ” гэжээ. Үнэхээр Дээрхийн гэгээнтний ерөөл талбисан тэрхүү ном төөрсөөр төрөлдөө гэгчээр очих ёстой эзэндээ эргэн ирсэн ажээ.


Энэхүү есөн боть бүтээл нь айл гэрийн хоймор дахь номын санг чимэглээд зогсохгүй эрхэм таны оюун санааг ариусгаж, мөнхийн суварга мэт үүрд орших болтугай!
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй