Чоно борооноор Л.Гүндалай шөнөөр гүйдэлтэй
2013-09-14 14:41
Энэ эрхмийн сүүлийн үеийн пактуудыг бичиж баршгүй. Гэвч уншигчид болон эрх мэдэлтнүүдэд түүвэрлэн хүргэхээс аргагүй. Ингэх нь хэвлэл мэдээллийнхэн бидний үүрэг билээ. Үргэлж онигоонд орж явдаг, үйлс нь харласан гэхээр түүнийг УИХ-ын гишүүн Ц.Нямдорж нэгэнтээ “Гүнбалай” гэчихсэн гэнэ билээ. Түүнээс хойш энэ хоч бараг алдар нь болжээ. Зарим нь Хөвсгөлийн сонгогчдын өгсөн нэр ч гэх. Хэн өгсөн нь гол биш. Яаж онож өгөв гэдэгт учир нь байгаа юм. Тэр үнэхээр үе үе балайтдаг ажгуу. Түүний нэг нь одоо өрнөөд буй үйл явдал бүлгээ.

Зайсангийн хөшөө цогцолборын дэргэдэх аж ахуйн нэгж, айлуудын орон сууцны дулааны шугамыг зүгээр ч нэг өс хонзонгийн сэдлээр таслаагүй юм байна. Түүний ах Л.Баяндалайн хүү Одсүрэн гэгч тэнд орших “Мфикс капитал” ХХК-ийн барилгад санаархжээ. Тэгээд өмнөх гэрээ контрактуудыг хүчингүй болгох талаар сөрөг нэхэмжлэл шүүхэд гаргасан юм билээ. Түүнийг хэрэгжүүлж, өөрийн болгох хүсэлдээ автсан Л.Гүндалай санаснаа гүйцэлдүүлэхээр улайрч яваа нь энэ ажээ. Газар байхад нь зарчихаад, барилга болохоор нь авах, аан. Мэргэн санаа байна уу. Тийм балай юм гэж байх уу. “Гүнбалай”-гаас өөр хүнд тийм санаа төрөхгүй л дээ. “Хүргэн хүү”-гийн Дэмбэрэл биш дээ. Хадмынхаа алагч үнээг чингэлгээр солиод ээждээ өгснөөс хэрэг дэгдэн, наймаа буцдаггүй юу. Бүхэл бүтэн газрын наймаа алагч үнээ хоёрын хооронд өдөр шөнө шиг ялгаа буй.

Б.Батхүүгийн шүүхэд гаргасан нэхэмжлэлийг баримт болгон хүргье. “Б.Одсүрэнгийн нэхэмжлэлтэй иргэний хэрэгт хариу болгон манай “Мфикс капитал” ХХК нь түүнтэй 2008.09.04 нд байгуулсан 01 дугаартай хөрөнгө оруулалт хамтын ажиллагааны гэрээг цуцлах, гэрээний тодорхой заалтуудыг хүчин төгөлдөр бусад тооцуулах сөрөг нэхэмжлэл гаргасан билээ. Тэгтэл Б.Одсүрэнгийн зүгээс талуудын хоорондын маргааныг эцэслэн шийдээгүй байхад манай компанийн өмч хөрөнгөд халдах, дур мэдэн эзэмшилдээ авах зэрэг хууль бус үйлдэл хийж байна. Иймээс шүүхийн шийдвэр гартал, тэр хавийн дулаан дамжуулах төв рүү нэвтрэх, хэвийн ажиллагааг нь алдагдуулах, дулаанаар хангахад элдвийн саад учруулж буйг нь болиулахыг иргэн Б.Одсүрэнд даалгаж, шүүхээс гаргах шийдвэрийн биелэлтийг баталгаажуулах захирамж гаргаж өгнө үү” гэжээ. Нэг талаас аргаа барсан, нөгөө талаас мөн ч хүлээцтэй гэхээр шийд байгаа биз.

Шүүхийн шийдвэр хэрхэн гарсныг маргааш хүргье. Асуудал ийнхүү шийдэгдэх байтал "гүнбалай"-чууд муйхарласаар авай. “УИХ-ын дарга З.Энхболд байхад та нар яах юм” гэсэн үг дээрээ одоо нэгэн шинэ нэр нэмжээ.Тэр нь “Монголын цагдаагийн удирдлагууд миний гарт байна. Та нар юу олж долоох билээ” юм. Томчууд, намын нэр барьж явдаг эл эрхэмд даруулга ер нь байна уу. Чоно борооноор гэдэг бол Л.Гүндалай шөнөөр гүйдэлтэй болжээ. Бүрэнхий болж, оройн 20.00 цаг болохуйд тэд хаанаас ч юм гараад ирдэг юм байна. Тэр хавийнхан тэр цагаас урьтан гэртээ бүгдэг болж. Тэгэхгүй бол яаж ч мэдэхээр аймшигт авир гаргадгийг нь иргэд чичирсхийн ярьцгаав. Гүйдэл нь Зайсангаар бөгөөд ах Л.Баяндалай түүний хүү Одсүрэн болон бие том, ухаан согогтой байрын залуус дагуулах болжээ. Баримт цааш үргэлжилнэ.
Эх сурвалж: Bataar.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • яая
    ДУНДГОВЬ АЙМГИЙН ХУЛД СУМАНД ГАРСАН ЖОНШНЫ ОРДЫГ АЙМГЫНХАА ХӨГЖИЛД ШУУД ЗОРИУЛЖ БОЛОХГҮЙ ЮМ УУ ТЭНД НУТГИЙН ГЭХ ХЭДХЭН ИРГЭН НӨХӨРЛӨЛ НЭРИЙН ДООР ЗАД БАЯЖИЖ ХАРИН НУТАГ УС НЬ СЭНДИЙЧЛЭГДЭН ҮЛДЭЖ БАЙНА ЭНЭ ҮНЭХЭЭР ШУДРАГА БУС БАЙНА ДУНДГОВЬ АЙМАГТ ЯДАРСАН ИРГЭД ИХ БАЙГАА ЗАРИМ НЬ ТЭГЭХЭД НӨХӨРЛӨЛ НЭРИЙН ДООР ЗАД БАЯЖИЖ ӨДӨРТӨӨ Л ТЭНДХИЙН 1 АЙЛ 500,000 ТӨГРӨГНИЙ ЦЭВЭР АШИГ ХИЙЖ БАЙНА 1 САРДА 10 ГАРАН САЯ ТӨГРӨГ ЦЭВЭР ОЛЖ БАЙНА ҮҮНИЙ ОРОНД ДУНДГОВИЙН ХӨГЖИЛД ЗОРИУЛСАН НЬ НҮДЭЭ ОЛСОН АЖИЛ БОЛНО
    2013 оны 09 сарын 15 | Хариулах
  • zochin
    Gantshan Gyndalai ch bish sh dee.UIH= bygd l maniusiin amidrah erhend oroh ni byy hel amid yavah erhiig mini hyazgaarlaad baigaa sh dee.Bayachuud bygd oligarhi,main met ni honogiinhoo hooliig arai chamai dogoh todii l bna.Zarimdaa matsag barina doo.Harin Gyndalai gishyyn zov yumnii toloo,bidnii toloo ynen yg heleed baigaam shyy.Busdiin omch ene hynd hereggyi ee?Tertee tergyi ali oyutan yeiin panzchin hyn zoostoi..
    2013 оны 09 сарын 15 | Хариулах
  • Zochin
    Gundalai yagaad hunii amidrah erhend haldaad baina be. Busdiin omchid haldsan ,suitgesen bol eruugiin hereg uusgej shalgah estoi bishuu. Toriin huuli uilchlehgui baina ene hund,,
    2013 оны 09 сарын 15 | Хариулах
  • zochin
    iim l balaichuud turd garch yavaa shuudee
    2013 оны 09 сарын 14 | Хариулах
  • sds
    teneg balai gar
    2013 оны 09 сарын 14 | Хариулах
  • Их уншсан
  • Их сэтгэгдэлтэй