Ээлжийн амралтын талаарх асуултандаа хариулт аваарай
2014-06-23 11:46
Оюутан, сурагчид, цэцэрлэгийн багачууд амралт эхэлчихлээ. Харин одоо их хотын завгүй ажилчны армийн нэг “цэрэг” та ч бас агаар салхинд гарч амралтаа бодуулах цаг болсон юм биш үү? Өмнө нь манай сайт ахмад настнуудадаа зориулсан хөнгөлөлттэй үнээр амрах амралт сувилалын талаар мэдээллийг хүргэсэн бол энэ удаад ээлжийн амралтаа авах гэж байгаа иргэддээ зориулан Хөдөлмөрийн яамнаас гаргасан хуулийн зөвлөгөөг хүргэж байна. Энэ талаар мэдсэнээр та ажил олгогчийнхоо “аманд багталгүйгээр” өөрөө тооцоод гаргачихаж чадна.


-Ээлжийн амралтын мөнгийг хэрхэн тооцдог вэ?
-Ээлжийн амралтын олговрыг тодорхойлохдоо амралт олгохын өмнөх 12 сарын цалин хөлсний нийлбэрийг 12-т хувааж нэг сарын дундаж цалин хөлсийг гаргах бөгөөд гарсан тоог байгууллага нэгжид мөрдөж буй сарын ажлын өдрийн тоонд хувааж нэг өдрийн дундаж цалин хөлсийг тооцон гаргана. Нэг өдрийн дундаж цалин хөлсийг ажилтны ээлжийн амралтын өдрөөр үржүүлэн ажилтанд олговол зохих ээлжийн амралтын олговрын хэмжээг тодорхойлно.

-Ажилласан хугацаа нь жил хүрэхгүй тохиолдолд яах вэ?
-Ажилтны ажилласан хугацаа 12 сар хүрээгүй бол түүний ээлжийн амралтын олговрыг ажилласан хугацааны дундаж цалин хөлсөөр тооцно. Жишээ нь: ажилтан А байгууллагад 2006 оны арваннэгдүгээр сарын 1-нд ажилд ороод 2007 оны долдугаар сарын 1-нээс ээлжийн амралтаа эдлэхээр бол түүний нийт ажилласан 8 сарын дундаж цалин хөлсний хэмжээгээр тодорхойлно гэсэн үг.

-Ээлжийн амралтын олговроос шимтгэл суутгал авах уу?
-Авна. Хувь хүний орлогын албан татварын тухай хуульд зааснаар хөдөлмөрийн гэрээнд заасны дагуу авч байгаа үндсэн цалин, нэмэгдэл хөлс, нэмэгдэл, шагнал, урамшуулал, амралтын олговор, тэтгэвэр, тэтгэмж, тэдгээртэй адилтгах бусад орлогод албан татвар ногдуулдаг.

-Ээлжийн амралт ямар хугацаатай байдаг вэ?
-Ээлжийн амралт үндсэн ба нэмэгдэл амралтаас бүрдэнэ. Үндсэн амралтыг хэдэн жил ажилласнаас хамаарахгүйгээр ажилтан бvр эдэлдэг. Ээлжийн амралтын үндсэн хугацаа ажлын 15 өдөр байдаг.
-6-10 жилд ажлын 3 өдөр;
-11-15 жилд ажлын 5 өдөр;
-16-20 жилд ажлын 7 өдөр;
-21-25 жилд ажлын 9 өдөр;
-26-31 жилд ажлын 11 өдөр;
-32, түүнээс дээш жилд ажлын 14 өдрийн нэмэгдэл амралт авна.

-Ээлжийн амралтын хугацаанд баярын өдрүүд ордог уу?
-Орохгүй.  Ер нь дараах тохиолдлыг ээлжийн амралтын үргэлжлэх хугацаанд оруулж тооцдоггүй.
Үүнд:
- Нийтээр амрах баярын өдрүүд;
- Долоо хоногийн амралтын өдрүүд;
- Жирэмсний болон амаржсаны амралт;
- Хөдөлмөрийн чадвар түр алдсан хугацаа;
- Ажил олгогчоос албан ёсны чөлөөтэй байсан хугацаа.
- Нэмэгдэл амралтын талаар тайлбарлаж өгнө үү?
- Ээлжийн үндсэн амралт дээр нь ажилтны ажилласан жилээс нь хамааран нэмэгдэл амралт олгодог.

-Ээлжийн амралтыг хэдий хугацаанд ажилласны дараа авах эрхтэй болох вэ?
-Ер нь хэдийд ч авч болно. Ажилтныг ямар хугацаагаар ажиллуулсаны дараа хэдийд ээлжийн амралт олгох болон хоёр амралтын хоорондох хугацааг хамтын гэрээ, хөдөлмөрийн дотоод журмаараа байгууллагууд зохицуулдаг.
-Хүүхэд асрах чөлөө дуусч, ажилдаа ороод дөрвөн сар болсон эх ээлжийн амралтаа бүтнээр нь авч болох уу?
-Болно. Ээлжийн амралт бодож олгох тухай зааварт зааснаар хэрвээ ажилтан ажлаас халагдах тухай асуудал тавигдаагүй байгаа бол түүний ээлжийн амралтыг ажилласан хугацаанд ногдуулж биш ажлын бүтэн жилээр тооцож олгохоор тусгасан байдаг.

-Хэрэв ажлаас халагдаж байгаа бол ажилтны ээлжийн амралтын тооцоо хийж, ээлжийн амралтын мөнгө олгох уу?
-Тиймээ. Ажилтныг ажлаас халагдах үед ажил олгогч нь ээлжийн амралтын тооцоог заавал хийнэ. Ээлжийн амралтын тооцоог дор зааснаар хийнэ. Үүнд: а/ ажилтанд ажилласан хугацаанд нь ногдох амралтын тооцооны дагуу мөнгөн олговор олгох, б/ ажилтнаас суутгал тооцох.

-Өөр байгууллагад шилжин ажиллах бол ээлжийн амралтыг хаанаас авах вэ?
-Нэг аж ахуйн нэгж, байгууллагаас нөгөөд шилжин ажиллаж буй ажилтан урьд ажиллаж байсан байгууллагынхаа ажил олгогчтой ээлжийн амралтын мөнгөн тооцоог заавал хийж дуусгасан байна. Харин ээлжийн амралтаа биеэр эдлээгүй тохиолдолд дараагийн ажил олгогч өмнөх ажил олгогчийн тодорхойлолтыг үндэслэн тодорхой хугацааны дараа түүнд ээлжийн амралт олгож болно.

-Ээлжийн амралтыг биеэр эдлэхгүйгээр ажилласан бол яах вэ?
-Ажилтанд жил бүр ээлжийн амралт олгож биеэр эдлүүлдэг. Харин ажлын зайлшгүй шаардлагаар ээлжийн амралтаа биеэр эдэлж чадаагүй ажилтанд мөнгөн урамшуулал олгож болно. Мөнгөн урамшуулал олгох журмыг хамтын гэрээгээр, хамтын гэрээгүй бол ажилтантай тохиролцсоны үндсэн дээр ажил олгогчийн шийдвэрээр зохицуулна. Иймд ажил олгогчийн шийдвэрээр ажлын зайлшгүй шаардлагаар ээлжийн амралтаа эдлээгүй бол ямар хэмжээний мөнгөн урамшуулал олгохыг урьдчилан тохирох нь зүйтэй.

-Насанд хүрээгүй ажилтны ээлжийн амралт ямар хугацаатай байдаг вэ?
-18 насанд хүрээгүй ажилтны үндсэн амралт ажлын 20 өдөр байдаг. Хэрэв 18 насанд хүрээгүй ажилтан амралт эдлэх ажлын жилийн дотор насанд хүрсэн бол түүний амралтын хугацааг тодорхойлохдоо 18 насанд хүрэхийн өмнөх амралтын хугацаа болон насанд хүрсний дараах ажилласан хугацаанд ногдох амралтын өдрийг тус тус тооцож гаргана.

-Ээлжийн амралт олгохгүй тохиолдол байдаг уу?
-Байна. ЭМНХ-ын сайдын 166 дугаар тушаалаар батлагдсан “Ээлжийн амралт олгох заавар”-т дараах тохиолдлуудад ээлжийн амралт олгохгүй гэж заасан байдаг.
Үүнд:
-Цэргийн жинхэнэ алба хаасан;
-Тэтгэмжтэй чөлөөтэй байсан;
-Техник мэргэжлийн сургуульд суралцсан;
-Зургаан сараас дээш хугацаагаар мэдлэг, мэргэжлээ дээшлүүлэхээр суралцсан эдгээр хугацаанд ээлжийн амралт олгохгүй юм. Жишээлбэл, ажилтан 2006-2007 онд гурван сар мэргэжил дээшлүүлэх сургалтад хамрагдсан бол энэ гурван сарын хугацаа нь амралт бодогдох 12 сарын хугацаанд орохгүй гэсэн үг юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • батцэцэг
    жирэмсний амралттай байж байгаад 3 сард ажилд орсон тэгээд 11 сард ажилд орох бол амралт яаж олгох бэ
    2019 оны 10 сарын 11 | Хариулах
  • Гээгий
    Ажлаас гарч байгаа дохиолдолд ээлжийн амралтын тооцоог хийхдээ анх ажилд орсон цагаас тооцож хийх нь зөв үү. 7,8 жил ажилласан бүх хугацааны ээлжийн амралтыг болон ажилласан хугацааг тооцож бодож байгаа тохиолдол байна. Ажилтан ихэнхдээ буцаан төлөлттэй гарч байна. энэ зөв үү. тухай жилдээ хүчинтэй байх уу.
    2019 оны 02 сарын 15 | Хариулах
  • цоогий
    тухайн онд ажлын шаардлагаар ээлжийн амралтаа авч чадаагүй албан хаагчид 13 дахь сарын цалинг хэрхэн бодож олгох вэ?
    2018 оны 12 сарын 04 | Хариулах
  • оюунчимэг
    сайн байна уу 6 сар ажилласан түр ажилтанд ээлжийн амралт олдох уу
    2018 оны 10 сарын 17 | Хариулах
  • bolorchimeg
    eeljiin amraltiin hugtsaa duusad ajildaa oroogvi bol yah we
    2018 оны 08 сарын 13 | Хариулах
  • зочин
    тэтгэвэрт гарчихааж ажиллаж байгаа хүний ээлжийн амралтыг яаж олгодог вэ хх -долдохгүй юм
    2018 оны 07 сарын 25 | Хариулах
  • манд
    Ээлжмйн амралт бодоход 12 сарын авах ёстой цалингын дуждажыг бодохдоо урьд жилд амрахдаа авсан ээлжийн амралтын мөнгө орж тооцох уу?
    2018 оны 07 сарын 04 | Хариулах
  • Буянжаргал
    сар ажиилахад ээлжийн амралт бодогдох уу хэдэн сар ажиллаж байж ээлжмйн аиралт бодогдох вэ
    2018 оны 04 сарын 23 | Хариулах
  • зочин
    сайн байна уу? Жирэмсний амралттай байгаад ажилдаа орсон ажилтны ээлжийн амралтыг яаж олгох вэ? манай дотоод журамд ажилд орсон хүн 11 сар ажлаад ээлжийн амралт эдлэх ёстой гэж заасан байсан.
    2018 оны 01 сарын 17 | Хариулах
  • *****
    ээлжийн амралтын нэмэгдэл хоногийг дутуу өгөөд хохироож бна үүнд байгууллагат хариуцлага тооцож нөхөн мөнгөө бодуулж авч болдог уу
    2017 оны 12 сарын 13 | Хариулах
  • амаржаргал
    хариулах хүн байдаг юмуу
    2017 оны 07 сарын 29 | Хариулах
  • Амаржаргал
    сайна байцгаан уу. зам хоногийн талаар мэдээлэл авах гэсэн юмаа. манай эхнэр ээлжийн амралтан дээрээ зам хоног гэж 4 хоног авсан юмаа. хэрэвээ би эхнэртэйгээ цуг нутагт нь очиж амрахад надад зам хоног нэмэгдэхүү. зарим хүмүүс ингэж авдаг гээд байхы энэ үнэн үү хэлж өгөөч хүмүүсээ.
    2017 оны 07 сарын 29 | Хариулах
  • Сэлэнгэ
    Хэсгийн ахлагч хийгээд 9 жил болж байна Надад ээлжийн амралт олдох уу?
    2017 оны 07 сарын 06 | Хариулах
  • tseegii
    Хүүхдээ 6 сар асарч байгаад 3 сард ажилдаа орсон амралтын мөнгө авах эрх байгаа болуу
    2017 оны 05 сарын 16 | Хариулах
  • tt
    ажлаас гарч буй ажилтны ногдох ээлжийн амралтын мөнгийг олгохгүй нөхцөл байдагуу
    2017 оны 02 сарын 14 | Хариулах
  • Баачка
    Сайн байн уу, Цэргийн жинхэн алба хаасан 1 жил, А байгуулагт ажилласан 2 жил бол ээлжийн амралт нийлбэр 3 жилээр амралт тооцогдох уу
    2017 оны 01 сарын 26 | Хариулах
  • Наранзул
    2016-07-29 ажилд ороод 2016-11-02 нд ажлаас гарсан бол ажилласан хугацааны амралтын мөнгө бодогдох уу
    2016 оны 12 сарын 20 | Хариулах
  • Наранзул
    Сайн байна уу. Түр ажиллаж байгаад гарсан ажилтанд ажилласан хугацааны амралтын мөнгө гэж гарах уу
    2016 оны 12 сарын 20 | Хариулах
  • отгоо
    хүүхдээ асарч байгаад ажилдаа орсон одоо жирэмсэн ажилаад 6сар хүрээгүй лист олдох уу
    2016 оны 12 сарын 19 | Хариулах
  • *****
    Болороо 2016 оны 4-р сард жирэмсний амралттаа авахдаа ээлжийн амралтаа аваагүй явсан юм тэгээд манай байгууллага татан буугдаж дараагийн байгууллагад шилжээд би 2016 оны 9-р сард дараагийн байгууллагадаа жирэмсний амралтаасаа ажилдаа орж ирсэн иймд дараагийн байгууллагаас амралтаа авч болохуу хариулж өгөөч
    2016 оны 10 сарын 24 | Хариулах
  • Чимгээ
    Сайн байна уу? Би нэг хувийн байгууллагад 2013 оны 11 дүгээр сараас эхлэн ажиллаж байна. Ээлжийн амралтын мөнгөө тухай бүр авч байгаа боловч амралтаа биеэр эдэлж чадахгүй байгаа уг нь бол хуулиараа ээлжийн амралтыг жилд нэг удаа биеэр заавал эдэдлсэн байх ёстой гэсэн заалт байдаг. Захиралдаа амралтаа авья гэхээр үгүй өвөл амар тэдэн сард амар гэчээд ерөөсөө амраадаггүй, энэ асуудыг яаж шийдэх вэ
    2016 оны 09 сарын 28 | Хариулах
  • золоо
    лист цалин 2 давхацах гээд байх юм
    2016 оны 09 сарын 20 | Хариулах
  • золоо
    ээлжийн амралтаа хугацаанд 10 эмнэлэгт хэвтсэн хүн ажилд орох хугацаан хойшлогдох уу тэр хүн маань хугацаандаа ажилдаа ороод цалингаа авцан лист ээ давхар авахдаг гээд байх юм
    2016 оны 09 сарын 20 | Хариулах
  • Сэлэнгэ
    Хангалттай хариу авсангүй
    2016 оны 09 сарын 12 | Хариулах
  • Сэлэнгэ
    Сайн байна уу?Манай нөхөр 2015ны 5-р сард ээлжийн амралтаа авсан.2016 оны 1-р сарын 28 харваад 4-р сарын 27 нд группд орсон.ээлжийн амралтын мөнгө олдох уу?
    2016 оны 08 сарын 02 | Хариулах
  • Чулуундулам
    2 байгууллагын хооронд шилжин ажлаад 8 сар болсон тохиолдолд ээлжинй амралт авч болох уу
    2016 оны 06 сарын 23 | Хариулах
  • хүслэн
    ээлжийн амралтаа аваад ажилаагүй амарсан хугацаанд цалин бодогдохуу?
    2016 оны 05 сарын 18 | Хариулах
  • zochin
    eeljin amralt dikrit hoerig hamtadn avj bolhuu
    2016 оны 01 сарын 18 | Хариулах
  • гг
    tetgevert garsan murtluu urgeljluulen ajillaj bga ajilchid bgama. eeljiin amraltiig yaaj bodoh we? niit ulsad ajillasan jileer n u? 15hongoor u?
    2015 оны 12 сарын 07 | Хариулах
  • Ариука
    Баярлалала
    2015 оны 11 сарын 16 | Хариулах
  • sainaa
    eeljiin amraltiin mungunuus NDSH tootsoj awahuu
    2015 оны 10 сарын 15 | Хариулах
  • зочин
    Сайн байна уу Хүүхдээ харж байгаад 9 сараас ажилдаа орсон бол энэ онд ээлжийн амралт авах эрх байгаа юу
    2015 оны 10 сарын 15 | Хариулах
  • Javzaa
    Сайн байна уу. Ээлжийн амралтын эрх үүсэх талаар асууя. Хүүхэд харах чөлөөнөөс ажилдаа ороод хэдий хугацааны дараа ээлжийн амралт авах эрхтэй вэ
    2015 оны 10 сарын 14 | Хариулах
  • Help
    Сайн байна уу, Ээлжийн амралтын хоног нэмэгдэх талаар асууя. 6-10 жилд 3 хоног нэмэгдэнэ гэсэн байна. 5 жил бүтэн буюу 60 сар ажиллаад 61 дэх сараас 3 хоног нэмэгдэх үү? эсвэл 6 жил бүтэн буюу 72 сар ажиллаж байж нэмэгдэх үү%
    2015 оны 07 сарын 24 | Хариулах
  • Zochin
    Кому info@mhri.mn Сегодня в 3:00 PM Сайн байна уу? Хүнд, хортой нөхцөлд ажилладаг ажилтны ээлжийн амралтын хоногийг бодох талаар нарийн зөвлөмж хаанаас олж болох вэ? Жишээлбэл улсад нийт 24 жил 10 сар ажилласнаас 13 жил 7 сар хэвийн нөхцөлд, 11 жил 3 дахь сараа хортой нөхцөлд ажиллаж байгаа ажилтны ээлжийн амралтын хоногтйг яаж тооцох ёстой вэ? Зөвлөгөө өгч туслана уу.
    2015 оны 07 сарын 16 | Хариулах
  • help
    "байгууллага нэгжид мөрдөж буй сарын ажлын өдрийн тоонд хувааж нэг өдрийн дундаж цалин хөлсийг тооцон гаргана." энийг ойлгохгүй байна. тухайн хүний ажилсан хоногийн дундаж байх юм уу ажилах ёстой өдрийн дундаж юмуу эсвэл 21,2 юмуу
    2015 оны 07 сарын 09 | Хариулах
  • Dulmaa
    bi 2013.07.01 ajild orson 2014.07.01nd eeljiin amraltiinhaa mongiig awii gesen bolowch 05 sariin 01 nd gehed 11 sar boloogui bsan bol bol olgohgui gehiin????
    2015 оны 06 сарын 28 | Хариулах
  • *****
    tiim bn. heregtei medeelel bn.
    2014 оны 06 сарын 23 | Хариулах
  • *****
    баярлалаа. хэрэгтэй мэдээлэл байна. сайтууд тэр ийм хувцас өмсчээ, тэр тэрэнтэй явалджээ, тэр хоёр салжээ гэх мэт хэрэггүй мэдээлэл бичиж байснаас иймэрхүү амьдралд хэрэгтэй мэдээлэл бичиж байвал сайнсан.
    2014 оны 06 сарын 23 | Хариулах
  • Их уншсан
  • Их сэтгэгдэлтэй