“Ажнай” Д.Бат-Эрдэнэ хүргэн дүүгийн хамт жижиг “Тавантолгой”-г замруулж эхэллээ
2014-08-11 11:21
Өмнөговь аймаг тоо томшгүй байгалийн баялагтай болохыг бид мэднэ. Энэхүү аймгийн хөгжил урагшаа гаргасан нүүрснийхээ хэмжээтэй харьцуулбал аль хэдийнэ Азийн бар улсуудын нэг адил цэцэглэчих боломжтой байлаа. Гэвч тэгсэнгүй. Учир нь, тус аймгийн мэдэлд жижиг “Тавантолгой” ХК-ийн 51 хувь нь байдаг бол 49 хувийн ихэнхи нь одоогийн Батлан хамгаалахын сайд Д.Бат-Эрдэнэ, “Ээрмэл”-ийн Б.Мөнхжаргал нарт, харин үлдсэн цөөн хувийг хэд хэдэн хүн эзэмшдэг ажээ. Орон нутгийн мэдлийн 51 хувийг 2009 онд төрийн мэдэлд шилжүүлэх талаар тухайн үед эрх барьж байсан Хамтарсан Засгийн газрын гишүүн, Эрдэс баялаг, эрчим хүчний сайд Д.Зоригт, ТӨХ-ны дарга Д.Сугар, ЗГХЭГ-ын дэд дарга Б.Долгор нар нэлээд идэвхийлэн хөөцөлдсөн байдаг. Гэвч аймаг, орон нутгийг хөгжүүлэх тухай хуулинд өөрчлөлт оруулж чадаагүйгээс болж энэ асуудал тэгсхийгээд намжсан юм.
  

Нөгөөтэйгүүр, жижиг “Тавантолгой”-н улсад төлөх татварын өр их хэмжээгээр хуримтлагдсанаас гадна гэрээнд заасан нөхцлийг зөрчиж, урд хөрш рүү хямд үнээр үлэмж хэмжээний нүүрс нийлүүлсэн асуудал зэрэг нь ийнхүү улс төржихөд хүргэж байжээ. Харин одоо бол цаг өөр болж, “Тавантолгой”-н 51 хувийг мэддэг хүн нь “Ажнай” Д.Бат-Эрдэнийн хүргэн дүү, өдгөө Өмнөговь аймгийн ЗДТГ-ын дарга Б.Түвшинбаяр болсон тул айх аюулгүй, амар жимэр ажлаа гүйцэлдүүлэх болжээ. Ийнхүү ашиг сонирхлын зөрчилтэй хоёр хүн “Тавантолгой”-г гартаа оруулсан нь “Ажнай” Д.Бат-Эрдэнийн тус компани дахь өөрийн дархлаа хийгээд эрх мэдлийг нэмэгдүүлэх гэсэн чинхүү хүсэл мөрөөдөл АН 2012 онд сонгуульд ялснаар биелэхэд хүрсэн юм. 2016 оны УИХ-ын сонгуулиар Д.Бат-Эрдэнэ мөн л тус аймгаас нэр дэвших нь тодорхой бөгөөд тэрбээр хөрөнгө мөнгөний хүчээр тэтгэврийн өвгөн болтлоо УИХ-д сууж, өөрийн бизнесээ хөгжүүлнэ гэсэн төлөвлөгөөтэй байгаа биз ээ.
   
Хамгийн гол нь, орон нутгийн мэдлийн 51 хувийг түүний итгэлт хүн захиран зарцуулах эрхийг нь эдэлж байгаа явдлыг юу гэж тайлбарлавал зохилтой вэ? Ингэхэд Өмнөговийнхны амьдрал хэзээ сайжрах вэ, эсвэл ганц нэг хүн баяжиж байвал болоо гэж үү?
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • уншигч
    Энэ шуналт одоо Гурвантэс сумаас газар авахаар улайрч байна, хуулийг нь ч батлуулчихлаа,. Өмнөговийг Барэрдэнэ ганцаараа эзэмших гэнээ?????? төр засаг байна уу Монголд
    2014 оны 08 сарын 12 | Хариулах
  • uher
    tsadaj handaggui uher
    2014 оны 08 сарын 11 | Хариулах
  • *****
    Handmaagiin nuhur yum bizdee
    2014 оны 08 сарын 11 | Хариулах
  • *****
    монголын нүүрсээр тоглож байгаа хүндээ ханаж цаддаггүй юм байхдаа
    2014 оны 08 сарын 11 | Хариулах
  • зочин
    ханаж цадаасай
    2014 оны 08 сарын 11 | Хариулах
  • *****
    БОЛЬЁ ОО
    2014 оны 08 сарын 11 | Хариулах
  • ТТ хк
    Таван толгой ХК сайн ажиллаж байгаа. Харин Өмнөговийнхоо жижиг хувьцаа эзэмшигчдынхээ ноогдол ашгийг түргэхэн шиг тараагаад өгчихмөөр юм, хэн нь ингэж саатуулаад байдаг юм болоо. Таван толгой ХК -даа амжилт хүсье.
    2014 оны 08 сарын 11 | Хариулах
  • zo0chin
    hynii shunal gej baragdahgyi yum bg bololtoi
    2014 оны 08 сарын 11 | Хариулах
  • Их уншсан
  • Их сэтгэгдэлтэй