Гоё болох гээд нүд нь хаагдахаа болив
2015-06-16 10:48
Английн иргэн Доун Найт 2012 онд Бирмингем хотод оршдог Dolan Park эмнэлэгт гоо сайхны хагалгаа хийлгэжээ. Тэрбээр уг эмнэлгийг ажиллуулдаг The Hospital Group компаниас хагалгааны дараа насан туршдаа үзүүлж байх эрхийг ч худалдаж авсан гэнэ. Мөн тэрбээр нүүр болон биеийнхээ арьсыг татуулах ажилбарыг хийлгэхийн төлөө 3500 фунт стерлинг төлжээ.

Гэвч мэс заслын үеэр эмч хариуцлагагүй алдаа гаргаснаар энэ эмэгтэй нүдээ хэвийн аних боломжоо алдсан байна. Доун илүүдэл жингээсээ ангижраад байсан тул арьс нь унжсан байсан гэнэ. Тэр арьсаа татуулж, өөртөө итгэлтэй болохыг хүссэн ч косметик ажилбар түүний мөрөөдлийг талаар болгожээ.

Хагалгааны дараа насан туршдаа үзүүлэх эрх гэдэг нь хий хоосон амлалт байсан бөгөөд дээрх компани эмчийнхээ гаргасан алдааг өөртөө үүрэхээс татгалзаж, нөхөн төлбөр олгохоос зайлсхийв. Хагалгааг хийсэн итали эмч тус улсад ажиллах зөвшөөрөлгүй байсан бөгөөд нөхөн төлбөр өгөх боломжгүй гэдгээ мэдэгджээ. Доун бүсгүйн амьдралаар тоглож хаясан эмнэлэг зар сурталчилгаагаа явуулсан хэвээр байгаа гэнэ. Хамгийн сонирхолтой нь, нөгөө итали эмч мэс ажилбар хийсэн хэвээр байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    за даа энэ зар сурталчилгаа их яваад байдаг нь ийм учиртай юм байна даа баларсан юм болжээ
    2015 оны 06 сарын 16 | Хариулах
  • Их уншсан
  • Их сэтгэгдэлтэй