Ким амьдайгаа баярлуулав
2015-08-06 13:50
“Кардашьяны амьдрал” бодит шоу хөтөлбөрийн од Ким Кардашьян өөрийн шүтэн бишрэгчдэд дэндүү хайртай бөгөөд үе үе тэднийгээ эрхлүүлдэг нэгэн. Ким бүсгүйн хамгийн үнэнч шүтэн бишрэгч болох Майлиза Кардашьянд ч ийм боломж олджээ. Энэ охины нийгмийн сүлжээн дэх хуудас түүний тухай өгүүлэхгүй, харин Ким, түүний нөхөр Канье Уэст нарын гэрэл зургуудаар дүүрэн байдаг аж.

Ийм үнэнч байдлынхаа төлөө бүсгүй хангалттай урамшуулал амсав. Түүний 21 насны төрсөн өдөрт баяр хүргэхээр Ким Кардашьян өөрийн биеэр морилжээ. Тэрбээр Майлизад баяр хүргэхээр Шинэ Орлеан хотод ирснээр өөрийгөө сурталчилах боломжийг алдаагүй гэнэ.

Ким Инстаграм дээр Майлизатай цуг авахуулсан гэрэл зургаа байршуулаад дор нь “Төрсөн өдрийн мэнд хүргэе, Майлиза Кардашьян. Чиний төрсөн өдрийг хамтдаа тэмдэглэн өнгөрүүлсэндээ баяртай байна. Дэмжлэг үзүүлж байгаад чинь талархая. Хүүхэлдэйхэн минь, би чамайг үргэлж хайрлах болно” хэмээн бичжээ.

Ким түүнд өөрийн нөхөр Канье Уэстын бүтээсэн Yeezy пүүзний дээжээс бэлэглэсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй