“Нарантуул”-ын Ш.Сайхансамбуу “шатаж”, “Ажнай”-н Д.Бат-Эрдэнэ сэмбийв
2016-03-18 10:00

Одоогоос хэдхэн хоногийн өмнө “Нарантуул” худалдааны төв дээр хоёр дахь удаагаа гал гарч олон хүний өмч хөрөнгө шатсан билээ. Урьд өмнөх гарсан галын дуулиан намжиж амжаагүй байтал ийнхүү дахин гал гарсан нь Ш.Сайхансамбуугийн хувьд ямаршуухан хүнд цохилт болсон нь ойлгомжтой. Харин тэрбээр энэхүү хэргийг зохион байгуулж, захиалга өгч байгаа цаад эзнийг нь мэднэ гэж мэдээллийн хэрэгслээр мэдэгдсэн ч одоогоор хэн нэгнийг гүтгэсэн асуудалд унахаас эмээж “хэрэгтнийг” задлахгүй байгаа юм. Гэтэл дээрх захын гол өрсөлдөгч болох “Дүнжингарав” худалдааны төвийн эздийн зүгээс ийнхүү хэргийг өдүүлж байж болох талтай юм хэмээн “Нарантуул”-ын худалдаачид дотроос үзэх хүн цөөнгүй байгаа аж. 2011 оны зургаадугаар сард Улаанбаатар хотын цэвэр усны ундарга дээр үлэмж хэмжээний газрыг хамааран баригдсан дээрх байгууламж нь цэвэр усны ундаргад муугаар нөлөөлнө гэж 2011 онд “Дүнжингарав” худалдааны төвийг татан буулгах, улмаар нүүлгэн шилжүүлэх талаар хэл ам гарч, Мэргэжлийн хяналтынхан ч гэсэн энэ талаар тус захын удирдлагуудад албан тоот хүргүүлж байсан билээ.

Гэвч одоогийн МАН-ын Нийслэлийн намын хорооны дарга Ц.Сандуй тухайн үед нийслэлийн газрын албаны дарга байхдаа тус газрыг ямар нэгэн цэвэр усны ундаргад нөлөөлөхөөргүй газар байршиж байгаа хэмээн цээжээрээ хамгаалж байсан билээ. Нэгэн үе МАН-ын дарга М.Энхболдтой шадарлаж явсан УИХ-ын гишүүн Б.Наранхүү цагийн сайханд хотын төвийн хамаг өнгөтэй, өөдтэй газруудыг хувьчилж аван газрын наймаа хийж байхдаа удахгүй “Нарантуул”-ын Ш.Сайхансамбуугаас илүү баян болно гэж цээжээ дэлдэж байсан гэдэг. Тэрбээр санасандаа хүрч “Дүнжингарав” хэмээх худалдааны төвийг босгож “Нарантуул”-ын худалдаачдыг тийш хоморголон оруулахыг санаархсан ч хүн хөлгүй газар наймаа явахгүй гэдэг үүднээс тийш зүглэсэн хүн тун цөөхөн билээ. Аргагүйн эрхэнд дампуурсан “Анод” банкны зээлдэгч “Мон-Уран” ХХК-ийн захирал Б.Наранхүү тус банкны өрөнд өөрийн мэдлийн сансар хорооллын Сэлбийн голын дэргэд орших барилгыг хүртэл анхны барьцаандаа алдаад зогсохгүй өр барагдуулах албанаас нэхэмжлэгдсэн 20 сая ам.доллараа дарж барагдуулахын тулд арга буюу худалдааны захаа зарах хэрэг гарчээ. Ийнхүү Монголын тэргүүн баячуудтай толгой дараалан уулзсаны эцэст сая нэг захын шинэ эзнийг олжээ. Тэрбээр “Дүнжингарав”-ын ихэнх хувийг 40 сая ам.доллараар “Ажнай” Д.Бат-Эрдэнэд өнгөрсөн 2012 оны УИХ-ын сонгуулийн өмнөхөн зарж өр ширээ дарж, гэнэтхэн л Дундговь аймгаас АН-аас нэр дэвших эрхээ авсан нь мөнгөөр зодож, УИХ-ын гишүүн болох гэсэн хүслийг нь биелэхэд хүргэжээ.

Ийнхүү “Дүнжингарав”-ын эзэмшиж байсан хувиа боломжийн үнэ хүргэсэн бол харин “Ажнай” Д.Бат-Эрдэнэ хотын дарга Э.Бат-Үүл, НИТХ-ийн Тэргүүлэгчдийн дарга Д.Баттулга нарыг эргүүлдэж байгаад өнгөрсөн 2015 оны 10 дугаар сарын 26-ны өдөр хүн хөл багатайгаас болж ашиг орлого олохоо өнгөрсөн “Дүнжингарав” худалдааны захын 2800 метр квадрат талбайг хотын мэдэлд шилжүүлжээ. Чингэхдээ өнөөдрийг болтол Төрийн үйлчилгээний нэгдсэн төв хэмээх сүржин нэртэй төрийн 200 гаруй төрлийн үйлчилгээг нэг дор төвлөрүүлж ажиллах учиртай энэхүү байгууллагыг НИТХ-ын Тэргүүлэгчдийн ээлжит хуралдаанаар түвэггүйхэн батлуулж чадсан нь аргагүй л нэг улс төр, бизнесийн ач холбогдлыг амьдрал дээр хэрэгжүүлэх чадвартай гэдгээ Д.Бат-Эрдэнэ гишүүн харуулжээ. Түүний хувьд нам нь засгийн эрх барьж байгаа энэ цаг үед л ашиг орлогогүй хоосон талбайгаа үнэ хүргээд зарчих гэсэн чинхүү хүсэл мөрөөдөл нь биеллээ олж, ёстой л нэг “Тэнгэрийн умдаг” атгах шиг болжээ. Харин энэхүү талбай нь нийслэлийн өмч болсон уу, эс бөгөөс түүнийг сар тутам хэдэн арван сая төгрөгний түрээс төлөн иргэдийн татвараар санхүүжүүлж байгаа юу гэдэг нь одоогоор нууц байгаа юм.
Эх сурвалж: сонин

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    Tegeed medej baij arga khemjee avaach
    2016 оны 03 сарын 21 | Хариулах
  • *****
    мэдээж түрээсийн байр
    2016 оны 03 сарын 21 | Хариулах
  • *****
    tegbel ajnaigiin bolcon gcn yg yy
    2016 оны 03 сарын 18 | Хариулах
  • баяр
    ёстой үнэн дээ
    2016 оны 03 сарын 18 | Хариулах
  • Их уншсан
  • Их сэтгэгдэлтэй