МУНН-аас нэр дэвшигч Б.Жавхланг ”олсон” нь
2016-06-13 15:45

УИХ-ын сонгуулийн сурталчилгааны өдрүүд албан ёсоор эхэлж сонгогчдын хувьд уйдах завгүй өдрүүд үргэлжилж байна. Тэгвэл өнгөрсөн өдрүүдэд асуудал болон гарч ирсэн ижил нэр, ижил овогтой хүнийг хүчтэй өрсөлдөгчийнхөө өөдөөс нэг тойрогт нэр дэвшүүлж саналын хуваах тактикын арга ухааны талаар одоо болтол сошиал ертөнцөд шуугиж байна. Тэгвэл дээрх асуудал хамгийн хурцаар илэрсэн гэж болохуйц Дархан-Уул аймгийн 44 дугаар тойрогт нэр дэвшиж буй МАН-ын нэр дэвшигч Монголбанкны тэргүүн дэд Ерөнхийлөгч асан Болдын Жавхлантай ижил овог, нэртэй Монголын Уламжлалын Нэгдсэн намаас нэр дэвшиж байгаа Болдын Жавхлангийн талаарх мэдээллүүд өчигдрөөс эхэлж цахим ертөцөнөөр шуугиж нэгэн сонирхолтой мэдээллүүдийг ч олон нийтийн сошиал хаягнуудаас тавьж эхлэв.

Өөрөөр хэлбэл, МУНН-аас нэр дэвшиж буй Болдын Жавхлан нь ийм хүн байдаг юм байна. Ийнхүү эрэл  сурал болох шалтгаан нь МУНН-аас нэр дэвшсэн Б.Жавхлан гэгч “нууц” ноёнтоныг тойргийнхон нь одоо болтол нэг ч удаа хараагүйтэй холбоотой гэнэ. Аргаа барсан сонгогчдод нь фэйсбүүк хуудсыг сошиал хэрэглэгчид олж өгчээ. Мөн зарим учир мэдэх хүмүүсийн ярьж буйгаар Б.Жавхлангийн эхнэрийг Очирбатын Хонгорзул гэдэг бөгөөд түүний ахыг Очирбатын Алтанзул гэдэг юм байна.

Харин УИХ-ын сонгуульд нэр дэвшиж буй Б.Жавхлан нь эхнэрийнхээ ах О.Алтанзулын хажуу өрөөг түрээсэлж суудаг гэсэн бор шувуу нисэж эхэллээ. Мөн энэ хүний талаар зарим нэгэн хүмүүсийн дам яриаг сонсоход овгоо өөрчилсөн нэгэн гэх шум гарч эхэлсэн байна. Түүнийг Оюуны Жавхлан гэдэг байсан бол нэрийг нь өөрчилж Болдын Жавхлан болгосон сурагтай.

Хэрвээ энэ үнэн бол эцэг эхийнхээ өгсөн нэрийг улс төрд худалдаж эхлэв үү гэсэн хардлага төрж байгааг нуухгүй юм.  Юутай ч нэр дэвшигч эрхэм Хэдхэн хоногийн өмнө УИХ-ын гишүүн Д.Лүндээжанцангийн тойрогт Бямбачулуун гэдэг нөхөр нэрээ сольж очсон байсныг хэвлэл мэдээллийн хэрэгслээр хэсэг шуугиж бичсэн юм.

Түүний хувьд мөн л нэрээ сольж нэр дэвшихээр хударгагүй зан гаргасан билээ. Иймэрхүү байдал олон гарч байгаа учраас энэ жилийн сонгуульд юу ч хийхээс буцахгүй нөхдүүд УИХ-д нэр дэвшиж байгаа нь ажиглагдаад эхэллээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • zochin
    naad khun chini bish bainaa
    2016 оны 06 сарын 14 | Хариулах
  • *****
    suxbaatar turuulne
    2016 оны 06 сарын 14 | Хариулах
  • Зочин
    Хөөрхий дөө энэ компаний захирал тэгээд айлын хажуу өрөөнд амьдарч байна уу, дэндүү даруухан компаний захирал байна доо
    2016 оны 06 сарын 13 | Хариулах
  • Их уншсан
  • Их сэтгэгдэлтэй