Ж.Эрдэнэбат МУ-ын 29 дэх Ерөнхий сайд боллоо
2016-07-08 15:51

УИХ-ын чуулганы нэгдсэн хуралдаанаар ерөнхий сайдад нэр дэвшигч Ж.Эрдэнэбатын асуудлыг хэлэлцэж, гишүүдийн 97.1 хувийн саналаар дэмжигдлээ. Ингэснээр Монгол Улсын 29 дэх ерөнхий сайдаар Ж.Эрдэнэбат томилогдож буй юм. Хэлэлцүүлгийн үеэр УИХ-ын гишүүд Ж.Эрдэнэбатад хариуцлагатай төрийн менежментийг бий болгох, өрийн удирдлагаа хянах, Эрдэнэт үйлдвэрийн асуудлыг Монгол Улсад ашигтайгаар шийдэх зэрэг асуудлуудыг онцлон захисан юм.

Өнөөдрийн хуралдаанаар АТГ-ын даргаар Х.Энхжаргалыг томилох тухай, Сум, дүүргийн иргэдийн хурлыг сонгох сонгуулийн товыг зарлан товлох тухай асуудлуудыг хэлэлцэхээр төлөвлөсөн. Энэ дагуу УИХ-ын чуулганы нэгдсэн хуралдаан үргэлжилж байна.

Монгол Улсын Ерөнхий сайд

ЖАРГАЛТУЛГЫН ЭРДЭНЭБАТ

Монгол Улсын Их Хурлын гишүүн

Төгссөн сургууль, мэргэжил

-1981 – 1991 онд Сэлэнгэ аймгийн Мандал сумын 10 жилийн дунд сургууль

-1992 – 1995 онд Худалдаа, үйлдвэрлэлийн дээд сургууль Эдийн засагч мэргэжлээр

-1997 – 1998 онд Монголын мэргэшсэн нягтлан бодогчдын институт

-2002 – 2004 онд Удирдлагын академи

-2003 – 2005 онд Хөдөө аж ахуйн их сургууль тус тус төгссөн.

Эрдмийн зэрэг, цол: Эдийн засгийн ухааны магистр

Ажилласан байдал:

-1996-1997 онд Сэлэнгэ аймгийн Мандал сумын “Сүүтэй” ХХК -д нягтлан бодогч

-1997-2000 онд Сэлэнгэ аймгийн Хянан шалгах хороонд байцаагч

-2000-2004 онд Сэлэнгэ аймгийн Засаг даргын Тамгын газрын Санхүү, эдийн засгийн бодлого зохицуулалтын хэлтсийн дарга

-2004-2005 онд Сэлэнгэ аймгийн Засаг даргын орлогч

-2005-2008 онд Сэлэнгэ аймгийн Засаг даргын Тамгын газрын Санхүү, төрийн сангийн хэлтсийн дарга

-2008-2012 онд Сэлэнгэ аймгийн Засаг дарга

-2012 оноос Монгол Улсын Их Хурлын гишүүн

Шагнал:

-2005 онд Санхүү, банкны тэргүүний ажилтан

-2005 онд Биеийн тамир, спортын тэргүүний ажилтан

-2006 онд Их Монгол Улс байгуулагдсаны 800 жилийн ойн хүндэт медаль

-2008 онд Хөдөлмөрийн хүндэт медаль

-2010 онд Алтангадас одон

Гадаад хэл: Англи


Авлигатай тэмцэх газрын даргаар дэмжигдсэн

ХҮРЭЛСҮХИЙН ЭНХЖАРГАЛ

-1964 онд Улаанбаатар хотод төрсөн.

-1972-1982 онд Ерөнхий боловсролын сургууль,

-1982-1987 онд НАХЯамны дэргэдэх Цэргийн дээд сургуулийг хуульч мэргэжлээр

-1995-1996 онд Төрийн захиргаа удирдлагын хөгжлийн институтыг Төрийн удирдлагын менежерээр тус тус дүүргэсэн.

-Мөн тэрбээр Налайх дүүргийн Цагдан сэргийлэх хэлтэст өмчийн төлөөлөгч, ахлах төлөөлөгч, Эрдэнэт хотын Цагдаагийн хэлтэст Эдийн засгийн ахлах төлөөлөгч, Төв аймгийн Цагдаагийн газрын дэд дарга, дарга, Баянзүрх дүүргийн Цагдаагийн хэлтсийн дарга, Замын цагдаагийн газрын даргаар тус тус томилогдон ажиллаж байсан.

-Одоо Цагдаагийн Ерөнхий Газрын Мэдээлэл технологийн төвийн даргаар ажиллаж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • zochin
    Erunhii saidaa . nen terguund aldagdaltai ajillaj baigaa turiin umchiin aj ahuin negjuudiig huvichlah ni zuitei sanagdana
    2016 оны 07 сарын 09 | Хариулах
  • Их уншсан
  • Их сэтгэгдэлтэй