Орост 2 монгол иргэн учир битүүлгээр амиа алджээ
2016-09-07 12:19

ОХУ-ын Красноярск хотын Раршав голын эрэг дээр өнгөрсөн наймдугаар сарын 30-ны өдөр Монгол улсын хоёр иргэн учир битүүлгээр амиа алдсан хэрэг гарчээ. “Хоёр хүн усанд живж амиа алдлаа” гэх дуудлагын дагуу Красноярск хотын цагдаагийн алба хаагчид хэргийн газар дээр ажилласан байна. Ингээд нэг иргэнийх нь цогцсыг олсон боловч Б гэх залуугийн цогцос олдоогүй ажээ.

Энэ талаар Гадаад хэргийн яамны Консулын газраас тодруулахад “Хоёр дахь иргэний цогцсыг эрэн хайх ажиллагаа үргэлжилж байна. Эдгээр иргэн “Орос гэрэл” ХХК-ийн том оврын тээврийн хэрэгслийн жолоочоор ажилладаг байсан бөгөөд ОХУ-д томилолтоор явж байсан юм байна. Одоо Красноярск хотод дээрх компанийн төлөөллөөс гадна амь насаа алдсан иргэдийн ар гэрийнхний төлөөлөл очоод байгаа. Гадаад харилцааны яамны зүгээс Эрхүү дэх Ерөнхий консулын газраараа дамжуулан дээрх иргэдэд дэмжлэг үзүүлэн ажиллаж байна” гэх мэдээллийг өглөө.

Красноярск хотын цагдаагийн байгууллагаас талийгаачдыг согтууруулах ундаа хэрэглэж байгаад санамсаргүй байдлаар амиа алдсан гэх мэдээллийг Эрхүү хот дахь Монгол Улсын Элчин сайдын яаманд хүргүүлсэн байна. Эл мэдээллийг талийгаачийн ар гэрийнхэн үгүйсгэж байгаа бөгөөд хэргийг гадны нөлөөтэй гэж үзэж байгаа юм байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • ХАХАХ
    ОРОСУУД Л АЛАА БИЗ ОЙЛГОМЖТОЙ Ш ДЭЭ ХЭДЭН ЦААСТАЙ ШААЖ БАЙДАГ НӨГӨӨ ХАР ГИЧИЙНҮҮД НЬ МӨНГӨНДӨӨ ШУНААД БУДАА АААХАХХАХА
    2016 оны 09 сарын 07 | Хариулах
  • Их уншсан
  • Их сэтгэгдэлтэй