Нийслэлд 60 км хурдны зам тавина
2016-09-15 11:39

Нийслэлийн Засаг дарга бөгөөд Улаанбаатар хотын захирагч С.Батболд Нийслэлээс сонгогдсон УИХ-ын гишүүдтэй зөвлөлдөх уулзалт хийж хотын хөгжлийн ерөнхий төлөвлөгөөг танилцууллаа.

Улаанбаатар хотын Ерөнхий төлөвлөгөөг 1954 онд 125 мянган хүнтэй байхаар, 1963 онд 250 мянган хүнтэй байхаар, 1971 онд 600 мянган хүнтэй байхаар 1984 онд 850 мянган хүнтэй байхаар хийж байжээ. Харин “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 оны хөгжлийн чиг хандлагын баримт бичиг”-ийг 2013 онд УИХ-аас баталсан бөгөөд 2030 онд хотод 1 сая 763 мянган хүн амьдрахаар тооцон төлөвлөлжээ. Баримт бичигт тусгаснаар хотын хөгжлийн тэргүүлэх чиглэлүүдийг эрүүл, аюулгүй “Ногоон хот”, амьдралын таатай орчинг бүрдүүлсэн хот, иргэд хувийн хэвшлийн оролцоонд суурилсан “Сайн засаглалтай” хот, олон төв суурьшлын зохистой тогтолцоонд суурилсан хот, аялал жуучлалын төв хот, олон улсад өрсөлдөх чадвартай хөгжингүй хот болно гэж тодорхойлсон байна. Мөн 2020 оны хотын дүр төрхийг төвийн болон хэрэглээний бүх төрлийн ухаалаг шийдлийг дэмжин, хэрэгцээнээс илүү төлөвлөлтгүй, илүү зардалгүй, ухаалаг, хүрээлэн буй орчинд ээлтэй, эдийн засгийн эрч хүчтэй хот болсон байна гэж үзэж байгаа юм.

Хотын ерөнхий төлөвлөгөөнд тусгаснаар Улаанбаатар хотын төвлөрлийг сааруулах бодлогын хүрээнд Налайх, Багахангай, Багануур дүүргийг үйлдвэрлэл, үйлчилгээний тодорхой чиглэлээр төрөлжүүлэн дагуул хот болгон хөгжүүлэхээр заажээ.

Мөн Хөшигтийн хөндийд шинээр барих олон улсын нисэх онгоцны буудлыг түшиглэн засвар үйлчилгээ, мэдээлэл технологи, худалдаа бизнес, төмөр зам, агаарын тээврийн ложистик төвлөрсөн “Аэро сити” шинэ хот байгуулах, Эмээлт, Аргалант орчмыг Эмээлт өртөөг түшиглэн хөнгөн аж үйлдвэрийн парк, хөдөө аж ахуйн түүхий эдийн бирж, ложистик, агуулахын аж ахуйг хөгжүүлсэн шинэ хот байгуулахаар төлөвлөж, Гачуурт, Өлзийт хороолол, Био, Сонгино, Партизан Жаргалант, Рашаантыг дагуул хот маягын тосгон болгон хөгжүүлэхээр тусгасан байна. Түүнчлэн хотын гудамж замын сүлжээг эрс шинэчлэн, замын хөдөлгөөний нягтралыг сарниулах, замын хөдөлгөөнийг жигд тархаах зорилгоор шинээр төлөвлөж буй төв, дэд төвүүдийг холбосон, хотын төвийг тойрсон 4 цагриг зам, хэвтээ чиглэлд хотын дундуур гарсан зэрэгцээ 6, босоо чиглэлд зэрэгцээ 9 гол гудамж зам байхаар төлөвлөсөн байна. Ингэснээр 2030 онд Улаанбаатар 60 км урттай хурдны замтай, хатуу хучилттай замын нийт урт 3000 километрт хүрэх гэж тооцжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    Эдийн засаг ийм хүнд байхад худлаа байхаа. Тэрний оронд хэмнэлт яаж хийх гэж байгаагаа яриасай
    2016 оны 09 сарын 15 | Хариулах
  • *****
    Хотын гудамжууд дахиад л амбаараар дуурч эхэллээ Хог ч элбэг болж Байна хотын дарга юу хийж байгаа нь мэдэгдэхгуй хот гундуухан болж Байна улгэр яриад л суугаад байх юм
    2016 оны 09 сарын 15 | Хариулах
  • *****
    am ih hudulj bnaa odoo garaa huduguu. tsag hugatsaa yavad l bna shuu. daraa ni uul baatar shig ugendee oroogdovdoo
    2016 оны 09 сарын 15 | Хариулах
  • *****
    za yarid bai yariad bai ulgeree
    2016 оны 09 сарын 15 | Хариулах
  • Их уншсан
  • Их сэтгэгдэлтэй