Гар утсаа ашиглан автобусаар зорчдог болно
2016-10-10

Нийтийн тээврийн үйлчилгээний төлбөр, тооцоог сайжруулахаар “Улаанбаатар смарт карт” компани хэд хэдэн шинэ ажил эхлүүлэхээр болжээ. Тухайлбал, автобусны төлбөрийн системд үүрэн холбооны буюу гар утасны технологийг нэвтрүүлэх аж. Энэ нь гар утасны сим картанд чип суулгаснаар иргэд заавал “U money” карт ашиглах шаардлагагүй болох бөгөөд гар утсаа төхөөрөмжид ойртуулахад төлбөр хийгддэг болно гэсэн үг.

Энэхүү ажлыг эхлээд “Юнител” компанитай хамтарч хэрэгжүүлэхээр болжээ. Гэхдээ иргэд ашиглаж буй дугаарынхаа сим картыг нэг удаа солиулах хэрэгтэйн дээр гар утас нь NFC программыг дэмждэг байх ёстой гэнэ. Уг ажлыг 2017 он гарахаас өмнө үйлчилгээнд нэвтрүүлэхийг зорилготой байгаа бөгөөд оны дараа смарт карттай холбоотой олон шинэ боломжийг бий болгохоор төлөвлөжээ. Тухайлбал, иргэд заавал карт цэнэглэх цэг хайлгүйгээр онлайнаар төлбөрөө төлөх боломжтой болно. Мөн банкны картыг автобусанд уншуулах, такси үйлчилгээнд карт унших төхөөрөмж суурилуулах ажлуудыг судалж эхэлжээ.

Үүнээс гадна оюутнуудын хувьд 250 төгрөгөөр зорчдог болно гэх мэдээлэл гарсан нь ташаа гэнэ. Оюутнууд сард 44 удаа автобусаар зорчих эрхтэй байсан. Үүнийг нь 22 болгож бууруулсан. Тодруулбал, өдөрт нэг л удаа үнэгүй зорчих эрхтэй болсон. Оюутнууд ашиглаж буй хөнгөлөлттэй картаа мөнгөөр цэнэглэх аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй