”Оргил”-ын Ж.Ганбаатарын найзууд, ажилчид нь “бөөнөөрөө” нэр дэвшиж байна
2016-10-14 13:27

Төрийн албыг төрлийн алба болгохгүй  хэмээн амлалт авч гарч ирсэн МАН-ын гишүүд яг эсрэгээрээ ажиллаж байна. Дээр дооргүй дарга нарын хүүхэд, хамаатан саднууд, хүргэн бэрүүд, найз нар л том дарга болцгоож байна. Өнгөрсөн сонгуулиар Баянгол дүүрэгт МАН-аас нэр дэвшин, “аз түшиж” намын фоноор УИХ-ын гишүүн болсон “Оргил” худалдааны төвийн захирал Ж.Ганбаатар гэх “наймаачин” эрхэм Баянгол дүүргийг өөрийнхөө охин компани болгохоор шийдсэн бололтой. Тэр өөрийн ажилчид, найз нөхөд, тойрон хүрээлэгчдээ орон нутгийн сонгуульд нэр дэвшүүлжээ.

Битүүхэндээ өөрийгөө УИХ-ын гишүүн С.Эрдэнэ шиг  Баянгол дүүргийн  шинэ “Ван” гэж хэлүүлэхийг хүсч мөрөөдөж байгаа мэт сэтгэгдэл төрлөө. Та доорхи нэрсийг уншаад үзээрэй. 250 мянган хүн амтай Баянгол дүүргийн ИТХ-д нэр дэвшсэн 41 хүний 10 гаруй нь УИХ-ын гишүүн Ж.Ганбаатарын “гарын хүмүүс” байна. Цаана байгаа 30 хүн нь намын хамт олныхоо төлөөлөл гэхээсээ илүү Ж.Ганбаатарт дулдуйдсан хэсэг бүлэг хүмүүс гэж Баянголын МАН-ын гишүүд ярьж байгаа юм. Үүнд:

1. БГД-ийн ИТХ-ын 13–р тойрогт МАН-аас нэр дэвшигч Э.Алтанбагана – “Оргил” худалдааны төвийн гүйцэтгэх захирал

2. БГД-ийн ИТХ-ын 23–р тойрогт МАН-аас нэр дэвшигч Д.Бат-Оргил – “Оргил” худалдааны төвийн ерөнхий менежер

3. БГД-ийн ИТХ-ын17-р тойрогт МАН-аас нэр дэвшигч Б.Таванбаяр – УИХ-ын гишүүн Ж.Ганбаатарын ангийн найз

4. БГД-ийн ИТХ-ын 8-р тойрогт МАН-аас нэр дэвшигч Э.Эрдэнэхүү – Инканто орон сууцны хорооллын менежер

5. БГД-ийн ИТХ-ын 11-р тойрогт МАН-аас нэр дэвшигч Б.Нандинчимэг – Боса худалдааны төвийн захирал, Ж.Ганбаатарын найзын хүүхэд

6. БГД-ийн ИТХ-ын 4-р тойрогт МАН-аас нэр дэвшигч Б.Бямбасайхан – Инканто компанийн туслан гүйцэтгэгч “Нью Урбан Электрик” ХХК-ийн захирал

7. БГД-ийн ИТХ-ын 3-р тойрогт МАН-аас нэр дэвшигч В.Алтансүх – Ж.Ганбаатарын “цүнх баригч”-дын нэг, “гарын хүн”

8. БГД-ийн ИТХ-ын 21-р тойрогт МАН-аас нэр дэвшигч Б.Сэмжидмаа – Баянголын МАН-ын дэд дарга, Ж.Ганбаатарыг дүүргийн МАН-ын дарга болгоход хамгийн их зүтгэж, ивээлд нь багтсан хүн.

9. БГД-ийн ИТХ-ын 7-р тойрогт МАН-аас нэр дэвшигч Э.Энхтөр – Ж.Ганбаатарын “цүнх баригч”-дын нэг, Баянгол дүүргийн МАН-ын тэргүүлэгч

10. БГД-ийн ИТХ-ын 5-р тойрогт МАН-аас нэр дэвшигч Ө.Сумъяабаатар – Ж.Ганбаатарын найз, Баянголын МАН-ын төлөө юу ч хийгээгүй, хэн ч танихгүй энэ залуу гэнэт л нэр дэвшсэн нэгэн.

11. БГД-ийн ИТХ-ын 11-р тойрогт МАН-аас нэр дэвшигч Ү.Батбаяр – Бест буйдан ХХК-ийн ерөнхий захирал, Ж.Ганбаатарын найз

Ийнхүү Оргилын босс Ж.Ганбаатар Баянгол дүүргийн ИТХ-ыг өөрийн “гарын хүмүүсээр” бүрдүүлэхээр улайран дайрч эхлэлээ. Үүний цаана Баянгол дүүргийг бизнесийн шинэ талбар гэж ойлгон, хувийн компани шигээ удирдахыг хүссэн мэт сэтгэгдэл төрүүлж байна.

Ж.Ганбаатар “Оргил” худалдааны төвийн ажилтнуудтайгаа яг л нохой шиг харьцаж, элдвээр хараан зүхдэг тухай яригддаг. Тэгвэл намын байгууллага бол хувийн компани биш. Баянгол дүүрэг бол Оргил төв биш. Тэр яг л өөрийнхөө арга барилаар бүхэл бүтэн нэг дүүргийг авахыг хүсч байгаа бололтой.

Энэ мэт улангасан дайрах эрх мэдэлтнүүд, олигархууд, бизнесийн бүлэглэлүүдээс төрөө, дүүргээ яаж хамгаалах вэ. Олонхоороо хүч түрэн цалин тэтгэмжийг  хасч, татвар нэмж байгаа МАН-ын “хурган боссууд” Монголын аймаг сум дүүрэг хороо болгоныг яг өөрийн хувийн компани шиг өмчилж эхэлж байгаа нь аймшигтай. Дүүргийн хөгжил нэрийн доор шударга царай гарган эрх мэдлийн төлөө улайрч байгаа Ж.Ганбаатар шиг хүмүүст хувь заяагаа даатгаж болно гэж үү.

Анхан шатны хяналтыг Ардчилсан намд л үлдээхгүй бол өнөөдрийн хэт их эрх мэдэлдээ эрдэж бардсан, олигархижсан бүлэглэлээр хүрээгээ тэлсэн МАН-д орон нутгийн сонгуулийн саналаа өгч болохгүй гэдгийг бид ухамсарлан сонголтоо хийх цаг ирлээ.

Баянгол дүүргийн иргэн А.Дорж
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    нэг мөсөн хувьчилаад авчаач тэгвэл сонгууль энэ тэр гэж мөнгө үрэхгүй амар лангуу ажлуулаад олж байгаа нь багадаад байгаа юмаадаа хүний шунал тачаал гэж юманд хязгаар бий шүү
    2016 оны 10 сарын 17 | Хариулах
  • *****
    ganbaatar mundag hun. oopoo ene buhniig bagaas ni bosgoson. nziin huuhed gdg ni ganbaatartai ymar hamaaral bh uuu
    2016 оны 10 сарын 17 | Хариулах
  • suren
    ymar archaagyi yum bichdeg hymyys ve oyutnaar nyylgesen ch geh shig mash ochyyhen yum harah yum daa
    2016 оны 10 сарын 16 | Хариулах
  • зочин
    Эрдэнэвангийн хошуу одоо задрах болсон олон жил боллоо шүү дээ.зурагтаар энхийн цагаан тагтаа байсан юм шиг л ярих юм.Эрдэнэ вангийн хошууны ноёдыг тараах хэрэгтэй
    2016 оны 10 сарын 15 | Хариулах
  • saraa
    xuue ee xumuusee AN ni arai gaagui yum bnaa bugdeere AN IIg songoyo
    2016 оны 10 сарын 14 | Хариулах
  • irgen
    ene neg myyxai tatanxai tsarailsan bas neg lyivarchin gar garch iree yu yo yo mongol sonotygei
    2016 оны 10 сарын 14 | Хариулах
  • wikimon
    Цүнх баригчдын нэг ч гэх шиг, хэдэн цүнхтэй хүний талаар бичээд байгаа юм бэ. Гарын хүнээ сонгодоггүй удирдагч гэж хаана байна? Эхнэр хүүхэд хамаатан садан гэсэн юм хаана байна? Хувь хувьдаа сонголтоо л зөв хийхэд болоо юм биш үү.
    2016 оны 10 сарын 14 | Хариулах
  • gogo
    bichij bgaa yumniihaa aldaaaag zasaarai
    2016 оны 10 сарын 14 | Хариулах
  • zochin
    ta nar uursduu l songoo biz dee, songohguy baih chini yagaav songochood odoo olon yum yariad
    2016 оны 10 сарын 14 | Хариулах
  • зөв монгол
    УИХ-ын гишүүн С.Эрдэнэ эхнэр ах дүү хүүхдээ нэр дэвшүүлээд дүүргийн ИТХ-ын төлөөлөгч болгосон.Ганбаатар эхнэр хүүхэд ах дүүсээ дэвшүүлээгүй л юм байна.Эрдэнэ болохоор дэвшүүлж болдог, Ганбаатар болохоор дэвшүүлж болохгүй гэсэн ямар юм байнаа. Шударга юм гэж байна уу.
    2016 оны 10 сарын 14 | Хариулах
  • ЭНХБОЛД
    мУУ хҮЭЛСҮХИЙН БУУНЫ НОХОЙ гАНБААТАР ХЭДЭН БЭЛТРЭГЭЭ СОЙЖ БАЙХ ШИВ,УДАХГҮЙ БҮХ БУЗАР БУЛАЙГ ДЭЛГЭНЭ
    2016 оны 10 сарын 14 | Хариулах
  • зочин
    Энэ ганбаатар канадад хачин тансаг байшинтай гэнэ оюутнуудад цагийн мөнгө өгч гэрээ зөөлгөсөн эд хогшил нь дэлхийыд ховор модоор хийсэн гэнэ дээ
    2016 оны 10 сарын 14 | Хариулах
  • Зочин
    Нэвт идэхээр мордлоо.
    2016 оны 10 сарын 14 | Хариулах
  • Зочин
    Маш зов байна.эрдэнийн вант улс байхад та нар таг дуугуй байсан биз дээ.одоо оорчлох цаг нь болсон шуу дээ.буруу нь юу байна.дэмжиж байна.бгд-ийн хурал,тамгийн газрын 50 хувь нь эрдэнээгийн хамаатангууд байгаа шуу дээ
    2016 оны 10 сарын 14 | Хариулах
  • Их уншсан
  • Их сэтгэгдэлтэй