Гээгдсэн хэтэвч 70 жилийн дараа эзнээ олов
2016-11-11 09:11

Цэрэг эр Кеннет Эшби Дэлхийн II дайны төгсгөлд түүний отряд Нидерландын зүүн өмнөд хэсэгт орших Хален хотноо байрлаж байх үед түрийвчээ хаяжээ. Тэгвэл тус хотын нэгэн ахмад настан түүний түрийвчийг олоод 25 жилийн тэртээх олзоо Фритц ван Хорн гэдэг тэтгэврийн хөгшинд өгсөн байна. Ноён ван Хорн цахим сүлжээгээр Эшбигийн хүү Робиныг эрж олоод гээгдсэн хэтэвчийг түүний гарт биечлэн өгсөн аж.
Ахмад дайчны үр садыг эрж хайхад Эшбигийн жолооны үнэмлэх дээр бичигдсэн мэдээлэл тус болжээ.

Ноён ван Хорн өөрийн 11 болон найман настай ач охидын тусламжтайгаар цахим сүлжээнд Эшбигийн оршуулагдсан газар болон хугацааг олсон гэнэ. Түүнийг 1968 онд Английн Сүррэй гүнлигийн Годалминг оршуулгын газар нутаглуулсан байв. Ингээд ван Хорн Сүррэй гүнлигийн захиргаатай холбогдоод, улмаар орон нутгийн сонинд захидал бичсэн байна. Тэр нийтлэлийг Робин Эшбигийн нэг найз уншжээ.

Ахмад дайчны хүү энэ мэдээг сонсоод ихэд баярласан бөгөөд ван Хорнтой тэр даруй холбогдоод уулзахаар болжээ. Түрийвчин дотор ахмад дайчны хувийн эд зүйлээс гадна 10 гэрэл зураг, таних тэмдэг бүхий нусны алчуур, Их Британийн жижиг хэмжээтэй төрийн далбаа, туулайны савар байсан гэнэ. Идэр насандаа аавыгаа алдсан Робин эцгийнхээ түрийвчийг олоод ихэд баярласан нь аргагүй юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна