Загас агнавал 480 мянгаар торгоно
2017-04-04 12:53
Амьтны тухай хуульд заасны дагуу жил бүрийн дөрөвдүгээр сарын 01-нээс зургаадугаар сарын 15-ны хооронд загасны үржлийн үе байдаг тул загас агнахыг хориглодог. Аливаа амьтныг үржлийн үед нь агнавал тухайн төрөл зүйл устах хүртэл аюултай тул энэ хугацаанд хориглолтын дагуу гол, нуур руу зүглэхгүй байхыг холбогдох байгууллагууд нь анхааруулж байна.
 
Загас үржлийн үедээ олон тооны түрс шахдаг ч тэдгээрийн 1000 түрс тутмын нэг нь л жараахай болдог. Амьтны тухай хуульд заасан хугацааг зөрчиж барьсан иргэнийг нэг сарын хөдөлмөрийн хөлсний доод хэмээг хоёр дахин, хуулийн этгээдийг тав дахин нэмэгдүүлсэнтэй тэнцэх хэмжээний төгрөгөөр торгоно. Загас агнаж буй эсэхийг хянах, зөрчил илрүүлэх, гэм буруутай этгээдэд хариуцлага тооцох ажлыг орон нутгийн засаг захиргаа хариуцах аж. Бүх загасны үржих хугацаа харилцан адилгүй тул Амьтны тухай хуульд зарим цөөн зүйлийг агнахыг хориглосон хугацааг дээр дурдсанаас өөрөөр тогтоосон байдаг байна.
 
-Дархадын цагаан загас:  VIII.01-X.20
-Буйр нуурын загас: V.15-VIII.1
-Омоль загас: VIII.30-X.30
-Зарам загас: IX.05-I.30
-Алтайн сугас загас: VI.15-VIII.31
- Бусад загас: IV.1-VI.15 хүртэл агнахыг хориглоно.
 
Хэрвээ тус хуулийг зөрчиж, загас барьсан иргэнийг нэг сарын хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний төгрөгөөр, хуулийн этгээдийг хөдөлмөрийн хөлсний доод хэмжээг тав дахин нэмэгдүүлсэнтэй тэнцэх хэмжээний төгрөгөөр тус тус торгоно.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй