Г.Дашхорлоо: Тэр сүнс Цогзол гэдэг хүүхнийх юм билээ
2017-06-24 15:47
- Биенээс нь хөх гал сүүмэлзсэн цогцос 100 айлд үзэгдэх болов -

Манай сайтад чөтгөр, шулмас хийгээд сүнс, сүлд, далд ертөнцийн тайлагдашгүй нууцын тухай нийтэлдэг болохоор энэ тухайд сонссон, харсанаа мэдээлэх нь цөөнгүй. Энэ удаад Сүхбаатар дүүргийн иргэн Ш.Доржготов гуай өөрийн биеэр ирж нэгэн сонирхолтой явдлыг ярьж өглөө. Саяхны нэгэн шөнө Ш.Доржготов гуайн багын анд Г.Дэмбэрэл гэдэг хүн Сүхбаатар аймгаас тэднийд ирж хоносон аж. Багын найзууд л болсон хойно ууж идэлгүй яахав. Шөнө дүл болсон хойно архи нь дууссан учраас “нутагтаа” байгаагаараа Доржготов гуай архи авахаар гарчээ.

Тэднийх паспортын хэлтсийн ард хятад хороололд байдаг аж. Ганцаараа дэлгүүр орох санаатай тэнтэр тунтар алхаж явтал өмнө нь “Бээжин Хуаду” хэмээх хятад ресторан байсан байшингийн өмнөхөн хөх гэрэл сүүмэлзэх шиг болжээ. “Энэ чинь юу юм бол?” гэсэн бодол халамцуу ухаанд нь зурсхийгээд хээв нэг алхаж очжээ. Гэтэл юу болсон гэж санана? Газар дээр биенээс нь хөх гал сүүмэлзсэн шалдан хүн хэвтэж байсан аж. “Чөтгөр” гэсэн бодол халамцуу ухаанд нь зурсхийснээр зугтах гэтэл хөл нь хөшчихжээ. Энэ үеэр азаар нэг машин гэрлээ тусган ирсэн гэнэ. Гэтэл мөнөөхөн үхдэл усны уур мэт замхран алга болжээ. Мань хүн ч юун архи авахтай манатай. Ухаан алдатлаа айчихсан хүн гэртээ хүрсэн ажээ. Уг зүйлийг ганцхан Доржготов гуай ч бус цөөнгүй хүн харсныг бодохлоор оргүй зүйл биш бололтой.

Энэ талаар бид нилээд хөөцөлдсөний эцэст ямар учир жанцантай болохыг тодруулж амжлаа. Энэ тухайд сайн мэддэг Г.Дашхорлоо гэдэг хүн тэр хавьд байдгийг олж сонсоод энэ талаар ярилцсан юм.

- Энэ хавиар биенээс нь хөх гал сүүмэлзсэн шалдан хүн үзэгдэх болсон гэсэн үнэн үү?
- Тийм ээ. Танай дээр энэ тухай бүдэг бадаг мэдээлэл гарсан байна лээ. Ерөнхийдөө бол үнэн. Энэ хавийн цөөнгүй хүн л харсан байсан. Би ч харсан. Тэгээд л бүх зүйл тодорхой болсон доо.

- Түүнийгээ тодорхой яриач?
- Би сарын өмнө шөнөөр явж байгаад тэр хөх гэрэл цацруулсан шалдан хүнтэй тааралдсан. Над руу тулж ирсэн л дээ. Би царайг нь хараад хэн болохыг нь таньж , дуу ч гарахаа больчихсон.

- Тэгээд тэр чинь амьд хүн юм уу?
- Үгүй ээ. Өмнө нь үхсэн эмэгтэй байсан л даа. Би таньдаг байсан юм. Царай нь мөн байсан. Намайг айгаад шоконд орсныг мэдсэн юм уу яасан юм алга болчихсон.

- Тэгэхлээр уг эмэгтэйг та сайн мэддэг байсан болж таарах нь. Үхэх болсон шалтгааныг нь тодорхой яриач?
- Манай гэр энэ хавьд байдаг юм. Би хэдэн жилийн өмнө тэтгэвэртээ гарсан боловч зүгээр сууж чаддаггүй. Тэгээд ажил хайлаа. Тэгсэн чинь энэ хавьд хэдэн хужаа ирж амьдрах болсон юм. Манай энд байдаг Ли гэдэг өвгөн хужаагийн хашаанд амьдрах болсон л доо. Би тэдний микрог барихаар боллоо. Монгол талын хөрөнгө оруулагч нь манай нутгийн хүү юм л даа. Тэгээд л намайг авч байхгүй юу. Би өглөө болгон хашаанаас нь хужаа нарыг аваад барилга барьж байгаа газар нь аваачиж өгнө. Орой нь хүргэнэ. Ийм л ажилтай.
Тэр хужаа нар удалгүй хүүхэн шуухан цуглуулаад эхэлсэн. Амьдрал нь ядуу хөнгөн хийсвэр хүүхнүүд л хятадуудыг барааддаг юм байна лээ. Хориод хятадтай хоёр, гуравхан хүүхэн хонодог гээд бодохоор дэндүү ой гутам хэрэг шүү. Эдэн дунд Цогзолмаа гээд нэг хүүхэн байсан. Уг нь хужаа нартай яваад байхаар хүүхэн биш л дээ. Түүнд хятадууд Гүй гээд нэр өгчихсөн байсан. Би түүнд “Миний дүү ингэж явах хэрэггүй юм биш үү?” гэж хэлсэн. Гэтэл “Намайг монгол эрчүүд зөндөө тоглож хаясан. Харин энэ Фуцай гэдэг эр надтай ханилна” гэж ирээд л бөөн юм ярьсан. Тэр Ү Фуцай гэдэг нь барилгачдынх нь ахлагч л даа. Тэр л сууна, ханилна гээд толгойг нь эргүүлчихсэн юм билээ.

- Яагаад нас барчихсан юм бэ?
- Их л сонин юм болсон доо. Түүнийг хөдөө явсан хойгуур нөгөө хужаа нарын визний хугацаа хэтэрсэн гээд нутаг буцаачихсан. Нэг шөнө ирэхэд нь нөгөөдүүл нь байгаагүй. Тэгээд өглөө нь гудамжинд үхчихсэн байсан гэсэн. Хэтэрхий их согтоод осгочихсон юм билээ. Ийм сураг л сонсогдсон.

- Биенээсээ хөх гал сүүмэлзүүлсэн сүнс Цогзолынх байх нь ээ?
- Тийм л болж таарч байгаа юм. Нүүр нь хувхай цагаан болохоос бус мөн л байна лээ.

- Ах дүү, ар гэр нь хаана байдаг юм болов оо?
- Налайхынх гэсэн байх аа. Ээжтэйгээ, хоёр хүүхэдтэйгээ л байдаг гэж хэлсэн санагдана. Өөр мэдэх юм алга.

- Тэр сүнс хүн амьтанд муу зүйл хийдэг гэнэ үү?
- Хий хоосон юм чинь юугаа л хийж чадав гэж. Тэр хавийн айлууд лам залж ном уншуулсан сураг дуулдана лээ. Гайгүй болох биз.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    архины цагаан солиотой юмнуудын юмыг бичихээ болиочээ
    2017 оны 06 сарын 28 | Хариулах
  • ӨВГӨН ЛАМ ГЭСГҮЙ ГАВИЖ
    УМ МААНИ БАДМЭ ХУМ.ХУЖААД ШААЛГАЖ ҮХСЭН ***** ХОРМОЙН ДОНТОЙ ТЭМБҮҮНҮҮД ИНГЭЖ Л БАЛАРДАГ ЖАМТАЙ ШҮҮ.БИ НОМ УНШИЖ ЗАЙЛУУЛСААН.ОДОО АЙЛТГҮЙ.НАМАЙГ ЗАЛУУ БАЙХАД ***** НАРТАЙ НӨХЦСӨН ХӨӨРХӨН ДУЛАМАА ГЭДЭГ ХҮҮХЭН БАЙЛАА.ХАЖУУГААР НЬ ГАРАХАД ТИЙМ НЭГ ЭХҮҮН СОНИН ҮНЭР ГАРДАГ БАЙСАН.СҮҮЛД НЬ ХАМАР НЬ УНААД ХАРАА НЬ СОХОРСОН ТЭМБҮҮ ОДОО ҮЕД ОХИДУУД БАС ИХ ЗАМБАРААГҮЙ ШААЛЦАЖ БАЙНА.МАНАЙ ҮЕИЙН ӨВГӨН ГАВЬЖ 16 НАСТАЙ ОХИНЫГ ШААЖ ХОНОСОН ИЙМ Л ЗАМБАРААГҮЙ БАЙНА
    2017 оны 06 сарын 27 | Хариулах
  • Их уншсан
  • Их сэтгэгдэлтэй