УИХ-ын гишүүн Э.Бат-Үүл буриад хэл сурч байна
2012-01-30 10:35
Монголын нэрт зохиолч, төрийн шагналт Сэнгийн Эрдэнэ гуайг буриад зон олны оюун санааны тэргүүлэгч хүмүүн хэмээн нийт буриадын ард түмэн хүндэтгэн биширдэг билээ. Тэгвэл түүний хүү Эрдэнийн Бат-Үүлийг ч улс төрийн тавцанд гарч ирэхэд нь буриадууд ихээхэн дэмжиж байсан. Гэсэн хэдий ч тэрбээр аавынхаа төрсөн нутаг болох Хэнтий нутгаас ерөөсөө нэр дэвшдэггүйд хүмүүс ихэд гайхдаг. Хамгийн сүүлд л гэхэд газар тариаланчидтай МАХН-ын үнэмлэхүй их парламентад суудалтай үед тэмцэж Сэлэнгэ нутгийнхнаас коко үнэлгээ авсан тэрбээр 2008 оны сонгуульд тус нутгаас торойгоод гараад ирсэн.

Харин энэ жилийн сонгуульд Сэлэнгэд хамгийн их нэр хүндтэй байгаа С.Баярцогт, Засаг дарга Б.Эрдэнэбат, О.Чулуунбат нартай өрсөлдөн гарах магадлал тун бага байгаа тул тэрбээр хоёр дахь хувилбарыг сонгож Хэнтийгээс нэрээ дэвшүүлж үзэлцэх санаатай байна. Түүний гол бэрхшээл нь аавынхаа нутгийн хэл, соёлыг сурах хэрэгтэй болсон бөгөөд 40 мянгатын унаган хүүхдийн хувьд Хэнтийн буриадуудтай хөөрөлдөнө гэдэг туйлын хүнд болоод байна. Тиймээс гишүүн Э.Бат-Үүл сав л хийвэл буриадаар ярих гэж оролдох болжээ.
Г.Заяа (www.wikimon.mn)
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • zochin
    buriad ruugaa yavaasai daa
    2013 оны 09 сарын 01 | Хариулах
  • Их уншсан
  • Их сэтгэгдэлтэй