Шинэ Энэтхэгийг байгуулагч Ж.Неру Далай ламын аминд орсон
2018-05-12 14:53
1947 оны VIII сарын 15-ны өдрийн дөрвөн цаг болж байв. Дели хотын түүхт Улаан цайзын өмнөх өргөн чөлөөнд хүн пиг дүүрсэн байлаа. Цайзын ханын дэргэдэх индэрт Энэтхэгийн Үндэсний эрх чөлөөний удирдагчид байраа эзэлж, түүний дотор 78 настай Мохандас Карамчанд Ганди модон таягныхаа “хамт” зогсч байв. 
    
Тэмцэл ялалтын он жилүүдийг бэлгэдсэн 31 их буун дуу нирхиймэгц Энэтхэгийн шинэ Ерөнхий сайд Жавахарлал Неру тус улсын шар, цагаан, ногоон өнгөт далбааг алгуурхан өргөж, төр улсынхаа тусгаар тогтнолыг дэлхий дахинд анх удаа тунхагласан юм. 
    
Энэ хүн Энэтхэгийн үндэсний эрх чөлөөний хөдөлгөөний нэрт удирдагч, төрийн гарамгай зүтгэлтэн, энх тайван, ардчилал, нийгмийн дэвшлийн төлөө цогтой тэмцэгч гэж олонд алдаршсан юм. Энэ “цогтой тэмцэгч” гэдэг ямар нэгэн галдан шатаах зорилгоор цог авч тэмцсэн гэсэн үг биш. Жавахарлал Неруд ийм хүчирхийллийн санаа хэзээ ч төрж байгаагүй юм. 
    
Тэр Английн Хардоугийн язгууртны тусгай сургууль, Кембрижийн их сургуульд суралцаж төгсчээ. Язгууртан гаралтай Ж.Неру 1921 онд хөдөө тосгонд Английн колончлолын эсрэг ухуулга хийсэн учир баривчлагдан гянданд дөчин нас гартлаа арав гаруй жил хоригджээ. Тэр гянданд байхдаа “Энэтхэгийг нээсэн нь”, “Ертөнцийн түүхийг сөхөж үзвэл” зэрэг алдарт бүтээлээ туурвисан юм. Ж.Неру тэр үед арван хэдэн настай байсан охин Индира Гандигаа өргөн мэдлэгтэй болгохын тулд “Ертөнцийн түүхийг сөхөн үзвэл” номоо гяндангаас захидал хэлбэрээр бичиж, түүнд хэсэг хэсгээр нь явуулж байжээ. 
    
Ж.Неру 1923 оноос Энэтхэгийн Үндэсний Конгрессын гүйцэтгэх хорооны нарийн бичгийн даргаар сонгогдож, дараа нь ерөнхий нарийн бичгийн дарга, даргаар нь ажиллаж байлаа. 1929 онд ЭҮК-ийн Лахорын их хурал дээр “Бүрэн тусгаар тогтнол” гэдэг уриа дэвшүүлж, тус намын эдийн засаг, нийгмийн анхны мөрийн хөтөлбөрийг боловсруулахад оролцжээ. 1946 оноос Энэтхэгийн түр засгийн газрын дэд ерөнхийлөгч, Гадаад явдлын яамны сайд болжээ. 1947 оноос насан элтлээ Энэтхэгийн Ерөнхий сайд, Гадаад явдлын яамны сайдаар ажиллаж байжээ. 

Энэ үедээ л Энэтхэг ямар ч улс орон, үзэл суртлаас үл хамаарсан биеэ даасан бүрэн эрхт улс болсныг дэлхий дахинд харуулсан олон алхмыг хийжээ. Үүний нэг жишээ нь Мао Зе Дуны улаан хөнжлөөс зугтсан XIV Далай ламыг Энэтхэг улсад орогнох эрхийг олгож, газар нутаг заан суурьшуулж байв. Бүгд Найрамдах Энэтхэг улсын дотоод, гадаад бодлогын үндсэн зарчмыг боловсруулж хэрэгжүүлсэн нь түүний нэртэй холбоотой. Энэ нь “Неругийн чиг бодлого” гэж алдаршсан билээ. Ж.Неру Энэтхэгийн ирээдүйг нийтээрээ аз жаргалтай, элбэг  хангалуун амьдрал хэмээн төсөөлж байв. Үүнийг нь ЗХУ тэргүүтэй социалист системийн орнууд “Бидний замаар явж байна. Наашаа яваад бай” гэж алга ташин даллаж байв. Гэвч тэр хүч хэрэглэхгүй, нийгмийн эвлэрлийн замаар тэр сайхан цагийг үзнэ гэж итгэж байлаа. Тэрбээр улс төр болон төрийн зүтгэлтний хувьд “Шинэ Энэтхэгийг байгуулагч” гэж түүхэнд нэр нь орсон бүлгээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Батзориг
    Мохатма Ганди бол Энэтхэгийн тусгаар тогтнолын төлөө амь насаа өргөсөн агуу гэгээнтэн байсан бөгөөд түүний үйл хэргийг шавь Жавхарлал Неру нь үргэлжлүүлсээр Энэтхэгийг 1947 онд тусгаар тогтносон улс болгоод "Аугаа багшийнхаа гэгээн дурсгалыг хүндэтгэн" өөрсдийн овгоо Ганди болгосон түүхтэй.
    2019 оны 03 сарын 31 | Хариулах
  • *****
    Махатма Ганди бол Энэтхэгийн их соён гэгээрүүлэгч,эрх чөлөөний тусгаар тогтнолын төлөө,Английн колоничлолын эсрэг цогтой тэмцэгч,хөл нүцгэн эх орноо хэсэн явж ард түмэндээ их нэр хүндтэй байсан агуу хүн. Харин Энэтхэгийн ерөнхий сайд Жавхарлал Нэругийн охин Индира Ганди бол Энэтхэгийн анхны эмэгтэй Ерөнхий сайд байсан ба Энэтхэгийн нэр хүндийг дэлхий дахинд өргөж чадсан хүн багөөд харамсалтай нь шашин хоородийн зөрчлөөс болж амь насаа алдсан хүн,түүний хүү үйл хэргийг нь нь үргэлжлүүлж байсан
    2018 оны 10 сарын 12 | Хариулах
  • *****
    Энэтхэгийн анхны ерөнхий сайд асан эрэлхэг эмэгтэй болох Индра Ганди нь 1917 оны 11-р сарын 19- ний өдөр Жавхрал Неру болон түүний бага эхнэр хоёрын охин болон мэндэлсэн байна. Хүнийг багаас нь ...
    2018 оны 10 сарын 12 | Хариулах
  • Өо
    Шаагаад бгаарай Индира Ганди бол Махатма Гандигийн охин шүү
    2018 оны 08 сарын 06 | Хариулах
  • Өо
    Шаагаад бгаарай Индира Ганди бол Махатма Гандигийн охин шүү
    2018 оны 08 сарын 06 | Хариулах
  • Өо
    Шаагаад бгаарай Индира Ганди бол Махатма Гандигийн охин шүү
    2018 оны 08 сарын 06 | Хариулах
  • *****
    Шаагаад бгаарай Индира Ганди бол Махатма Гандигийн охин шүү
    2018 оны 08 сарын 06 | Хариулах
  • *****
    Шаагаад бгаарай Индира Ганди бол Махатма Гандигийн охин шүү
    2018 оны 08 сарын 06 | Хариулах
  • Их уншсан
  • Их сэтгэгдэлтэй