Хятадад саатуулагдсан Интерполын экс тэргүүн авлигад буруутгагдав
2018-10-08 15:48
Интерпол буюу Олон улсын цагдаагийн дарга асан Мэн Хун-Вэй БНХАУ-д авлигын хэрэгт сэжиглэгдэн саатуулагджээ. Долоо хоногийн өмнө тэрбээр эх орондоо очоод ажлынхан болон гэр бүлтэйгээ холбоо тасарсан учраас Интерпол түүнийг эрэн сурвалжилж эхэлсэн билээ. 

Учир битүүлгээр алга болохынхоо өмнө тэрбээр эхнэртээ хутганы зураг явуулсан тухай эхнэр нь ярьжээ. Энэхүү мэдээллийг илгээхээс дөрвөн минутын өмнө “Намайг утасдахыг хүлээж бай” гэсэн бичвэр ирүүлсэн аж. Мань хүн асуудалд орсон гэдгээ ийнхүү илтгэсэн бололтой. Хун-Вэй Интерпол руу огцрох хүсэлтэй захидлыг бичсэн аж. Олон улсын цагдаагийн байгууллагын шинэ даргыг ирэх сард Дубайд хуралдах Интерполын Ерөнхий ассамблэйн үеэр сонгох юм. 

Тэр хүртэл Олон улсын цагдаагийн байгууллагыг ахлах дэд ерөнхийлөгч буюу БНСУ-ын төлөөлөгч Ким Чен Ян тэргүүлнэ. БНХАУ-ын Коммунист намын Төв хорооны Сахилга бат хариуцсан газар Мэн Хун-Вэйг хууль зөрчсөнтэй холбогдуулж шалгаж байгаа гэдгийг мэдэгдэв. Тус улсын Нийгмийг аюулаас хамгаалах яам Интерполын экс тэргүүний хамтрагчдыг мөрдөн шалгахын тулд тусгай ажлын хэсэг хүртэл гаргажээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй