Ахимаг насанд жингээ хэрхэн бууруулах вэ?
2019-02-22 13:35
40 наснаас хойш биеийн жингээ хасна гэдэг залуу байснаас хүнд болох нь хэнд ч ойлгомжтой. Тэгвэл Уэйк-Форест их сургуулийн ажилтнууд ахимаг насанд биеийн жинг бууруулахад чиглэсэн онцгой хоолны дэглэмийг бүтээсэн аж. Тэд уураг ихтэй хүнс, ногоо давамгайлсан, ичлэг багатай хоолны дэглэмийг санал болгов. 

Үүнийгээ 65-аас дээш насны 96 хүн дээр туршиж үзсэн байна. Ингэхдээ оролцогчдын өөх, яс, булчингийн эд эсүүдийн хэмжээг хэмжив. Гол зорилго нь өөхний хэмжээг бууруулахад оршиж байлаа. Оролцогчдыг хоёр бүлэгт хуваасан бөгөөд эхний бүлэгт багтсан хүмүүс мах, ногоо давамгайлсан, илчлэг багатай хоолыг идэв. 

Нөгөө хэсэгт багтсан хүмүүс ердийн хоолыг өдөрт дөрвөн удаа зооглож байсан гэнэ. Судалгааны эцэст биеийн жингийн хэмжээсүүдийг дахин хийв. Тэгтэл уураг ихтэй, ногоо давамгайлсан хоолыг идэж байсан хүмүүс дунджаар найман кг өөх тослогоо хаясан болох нь тогтоогджээ. Харин нөгөө бүлгийн хүмүүс ийм өөрчлөлтийг үзүүлээгүй гэнэ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй