Шинэ журмаар гишүүн, сайд, дарга нарт ЖДҮХС-гийн зээл олгохгүй
2019-05-14 14:04
ЖДҮХС-гаас зээл олгох шинэ журам батлагджээ. Энэ талаар ХХААХҮ-ийн сайд Ч.Улаан өнөөдөр (2019.05.14) мэдээллээ.

Шинэ журманд төрийн өндөр аллбан тушаалтан болоод тэдний гэр бүлийн компанид ЖДҮХС-гийн зээл олгохгүй хэмээн тодорхой заасан гэдгийг тэрбээр онцоллоо. Тодруулбал, Ерөнхийлөгч, УИХ-ын гишүүн, сайд, агентлаг болон төрийн өмчит үйлдвэр, аж ахуйн дарга, аймаг сумдын дарга нар, тэдний гэр бүлийн мэдэлд байдаг, хувьцаа эзэмшдэг компаниудад ЖДҮХС-гийн зээл олгохгүй хэмээн журамлажээ.

Мөн журманд ХХААХҮ-ийн сайдын шийдвэрээр зээл олгодог зохицуулалтыг болиулсан гэнэ. Зөвхөн сонгон шалгаруулах журмын дагуу зээл олгох аж. ЖДҮХС-гийн зээл олгох төслийг сонгон шалгаруулахдаа эхлээд олон улсын байгууллагын аргаар нарийвчилсан үнэлгээ хийнэ. Дараа нь газар нь магадлан хянах юм байна. Төслийг сонгон шалгаруулах хороо долоон хүний бүрэлдэхүүнтэй. Тэдний дөрөв нь мэргэжлийн холбоод, олон нийтийн төлөөлөл байна.

Үүнээс гадна шинэ журманд дараах зүйлсийг тодорхой заажээ. Тухайлбал:
-Хөнгөлөлттэй зээл, зарим төслийн сонгон шалгаруулах эрхийг орон нутагт шилжүүлсэн.

-Зээлийн муу түүхтэй, зээлийн үлдэгдэлтэй бол төслийн сонгон шалгаруулалтад хамрагдах боломжгүй.

-ЖДҮХС-аас шууд зээл олгож байгаа тохиолдолд даатгалд заавал хамруулна.

-ЖДҮХС 20 саяас 1 тэрбум төгрөг хүртэлх үнийн дүнтэй төслийг хүлээн авна. Орон нутагт 20 саяас 200 сая төгрөгийн зээл олгоно.

Шинэ журам өмнө гарсан алдаа дутагдал, гажуудлыг бүгдийг арилгасан гэдгийг ХХААХҮ-ийн сайд Ч.Улаан хэлж байна. ЖДҮХС-аас 2018 онд 233 иргэн, аж ахуйн нэгжид 96.2 тэрбум төгрөгийг олгосон. Харин 2019 онд 47 тэрбум төгрөгийн санхүүжилт олгоно. Үүнээс 20.5 тэрбум төгрөгийг орон нутагт шилжүүлжээ. 2019 онд ЖДҮХС-аас санхүүжилт хүссэн төслийг 05 дугаар сарын 27-ноос 06 дугаар сарын 10-ны хооронд хүлээн авна.

ЖДҮХС-гийн шинэ журамтай энд дарж танилцана уу.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Иргэн
    Улаан минь шудрага л шийдэж үзээрэй?!
    2019 оны 05 сарын 15 | Хариулах
  • Иргэн
    Тэртэй тэргүй авчихсан юм чинь.
    2019 оны 05 сарын 15 | Хариулах
  • зочин
    Зээл авахад энгийн иргэд энэ олон шат дамжлагыг давахад хэцүү болж байгаа юм байна
    2019 оны 05 сарын 15 | Хариулах
  • *****
    xutsaach
    2019 оны 05 сарын 15 | Хариулах
  • иргэн
    Яг харагдаач. Томчууд хулгайлах сувгаа бэдчихээд л ийм хогийн юм хийж байгаа. Ингэлээ гээд та нарын ЖДҮ хулгайлсан чинь дарагдахгүй. Улам дэврэнэ. 2020 онд МАНгарууд будаа болно.
    2019 оны 05 сарын 14 | Хариулах
  • Их уншсан
  • Их сэтгэгдэлтэй