ЗХЖШ-ийн хурандаа энхийг сахиулах ажиллагаанд явуулна гэж цэргээсээ мөнгө авчээ
2019-05-16 11:20
Энхийг сахиулах ажиллагаанд явуулна гээд цэргийн алба хаагчаас хахууль авсан гэх гомдлыг АТГ-ын Мөрдөн шалгах хэлтэст нь хэрэг бүртгэлтийн хэрэг нээн шалгаж эхэлжээ.

Тодруулбал, ЗХЖШ-ын Хуурай замын цэргийн командлалын хэлтсийн дарга, хурандаа Ц.Ж нэгэн ахлагч цолтой залуугийн ар гэрийнхнээс энхийг сахиулах ажиллагаанд явуулж өгнө гэж өнгөрсөн онд 3.5 сая төгрөг авчээ.
 
Гэвч тэр ахлагчийг Афганистан руу ч, Өмнөд Суданд ч явуулаагүй тул ар гэрийнхэн нь АТГ-т хандсан байна.
 
Цэргийн алба хаагчийн ар гэрийнхэн ийнхүү хууль сахиулах байгууллагад хандмагц хурандаа 3.5 сая төгрөгийг нь буцааж өгсөн гэх мэдээлэл ч байна.
 
Ц.Ж Сонгинохайрхан дүүргийн Цагдаагийн II хэлтэст Эрүүгийн хуулийн 17.3-т заасан бусдаас их хэмжээний мөнгө залилан мэхэлсэн хэрэгт шалгуулж байжээ.

Мөн л дээрх байдлаар 10 сая төгрөг залилан мэхэлсэн байж болзошгүй хэмээн цагдаагийнхан шалгаж байхад нь прокурор хэргийг нь татаж хянахаар шилжүүлж аваад хэрэгсэхгүй болгосон аж.
Эх сурвалж: Olloo.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй