Терминаторын охин үлэг гүрвэл “сургагч”-тай гэрлэв
2019-06-10 12:33

Арнольд Шварценеггерын том охин Кэтрин Юнис Шварценеггер Холливудын од, жүжигчин Крис Праттай гэрлэжээ. 

Хуримын ёслол Калифорни мужийн нэгэн эдлэнд зургаадугаар сарын 8-нд болсон гэнэ. Хуримд дурлалт хосын дотны нөхөд болон ар гэрийнхэн болон хамаатнууд л уригдсан бөгөөд 29 настай сүйт бүсгүйн салаад багагүй хугацааг өнгөрөөж байгаа эцэг, эх Арнольд Шварценеггер, Мария Шрайвер нар ч хүндэт зочдын суудалд заларч байсан аж.

“Юрийн галавын ертөнц” киноны од 39 настай сүйт хархүү урьд нь хамтын амьдрал зохиож байсан нэгэн агаад жүжигчин бүсгүй Анна Фарисаас 2017 оны наймдугаар сард гэрлэлтээ цуцлуулжээ. Тэдний зургаан настай хүү Жек нь аавынхаа хуриманд хүрэлцэн ирсэн байв.

Харин Төмөр Арнигийн зохиолч охин анх удаагаа гэр бүл зохиож байгаа гэнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй