Их аварга Хакүхо Монгол иргэдийн нэгдсэн холбооны хүндэт ерөнхийлөгч болов
2019-06-11 10:52
Япон дахь Монгол иргэдийн нэгдсэн холбоо мэргэжлийн сүмо бөхийн их аварга Хакүхо М.Даваажаргалыг холбооныхоо Хүндэт ерөнхийлөгч болгож, “00001” дугаартай гишүүний үнэмлэхийг гардуулан өгчээ.

Монгол Улсын Хөдөлмөрийн баатар, Гавьяат тамирчин, мэргэжлийн сүмо бөхийн 69 дэх Их аварга Хакүхо М.Даваажаргал тус холбооны үйл ажиллагааг цаашид ч дэмжин хамтран ажиллахаа илэрхийлсэн байна. 

Тус холбооны хамт олныг Токио хотод өөрийн гэсэн ажлын байртай болоход тусламж үзүүлсэн Их аварга Хакүход талархал илэрхийлжээ.

Япон дахь Монгол иргэдийн нэгдсэн холбоо нь элэгний судасны бөглөрлийн хагалгаанд орсон иргэн Ж.Амартөрийн эмчилгээнд зориулсан хандивын аяныг эхлүүлээд байгаа бөгөөд AMJ-Япон дахь Монгол Иргэдийн Нэгдсэн Холбоо NPO фэйсбүүк хуудсаараа дамжуулан Японд байгаа монгол иргэдтэйгээ холбогдож, хандивын тусламж авч эхлээд байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй