Зам засварын ажлуудыг наймдугаар сарын 25-нд дуусгана
2019-08-11 12:28
Улаанбаатар хотын зургаан дүүрэгт үргэлжилж байгаа зам засварын ажлыг хөдөлгөөний урсгал нэмэгдэхээс өмнө буюу наймдугаар сарын 25-ны дотор дуусгахаар Нийслэлийн авто замын хөгжлийн газраас төлөвлөжээ. Гэхдээ ойрын өдрүүдэд үргэлжлэн орж байгаа усархаг борооны улмаас зам засварын ажил тодорхой хугацаанд зогсолт хийж, удааширсан байна. Иймд өнөөдрийн байдлаар алдсан өдрүүдийг нөхөхөөр хүн хүч, техник хэрэгслийг нэмэгдүүлэн ажиллаж эхэлжээ. 

Тухайлбал,  Улаанбаатар-Налайх чиглэлийн 9.5 км авто замын барилгын ажил борооны үеэр түр хугацаанд зогсолт хийсэн тул автозамын ажлыг шуурхайлуулаад байна.  Уг автозамын хөдөлгөөнийг аравдугаар сарын дунд үеэс нээх аж. 

Мөн Баянзүрхийн Туулын гүүр, Яармагийн хуучин гүүрийг засварлах ажил төлөвлөгөөний дагуу хийгдэж  дуусах гэнэ. Харин түр замын засварын ажил шөнө хийгдэж, өглөө нь замын хөдөлгөөнийг нээж байгаа тул ямар нэгэн асуудал гарахгүй юм байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй