Ачааны галт тэрэгний вагонууд замаас гарчээ
2019-08-15 11:33
Өчигдөр буюу наймдугаар сарын 14-ний 10.30 цагт "Төв аймгийн Баян сумын 3-р баг Мааньт өртөөн дээр 3 вагон замаас гарсан" гэсэн мэдээлэл цагдаагийн байгууллагад иржээ.

Мааньт өртөөн дээр түр зогсолт хийх явцад галт тэрэгний долоон вагон замаас гарсан байна. Үүнээс гурван вагон замаас бүрэн гарч, бусад дөрвөн вагоны дугуй замаас мултарчээ. Эдгээр нь ОХУ-ын эзэмшлийн битүү ачааны вагонууд байжээ.

Одоогийн байдлаар зургаан вагоныг замд татан оруулж, үлдсэн нэгийг татах ажиллагаа явагдаж буй байгаа ч бороо орж буй учир сэргээн босгох ажилд хүндрэл учирч байгаа аж.

“Улаанбаатар төмөр зам” хувь нийлүүлсэн нийгэмлэгийн хэвлэлийн төлөөлөгч Л.Зоригт "Ослын шалтгаан, хохирлын хэмжээг тогтоохоор “Улаанбаатар төмөр зам”-ын Тээврийн хяналтын алба, "Зам тээврийн хөгжлийн яам"-ны хяналт-шинжилгээ, үнэлгээ, дотоод аудитын газрын Улсын байцаагчид болон цагдаа, тагнуулын байгууллага, тээврийн прокурорын эрх бүхий ажилтнууд тус тусын чиглэлээр үзлэг шалгалтаа хийж байна. Осол гарсан ч галт тэрэгний хөдөлгөөн саатаагүй, тасралтгүй үргэлжилж байна” хэмээн мэдээллээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    Монголд ч овоо олон шалгах газар байдын байнаа. Гээд нэмэртэй юм алга.
    2019 оны 08 сарын 17 | Хариулах
  • Их уншсан
  • Их сэтгэгдэлтэй