Цамбагарав хайрханд авиралт хийсэн итали жуулчин алга болжээ
2019-08-26 12:50
Баян-Өлгий аймгийн Алтанцөгц сумын Баянбулаг багийн Цамбагарав гэдэг газар Бүгд Найрамдах Итали улсын харьяат, 76 настай, эрэгтэй Л сураггүй алга болжээ.

Тэрээр наймдугаар сарын 24-ний өглөөний 09:00 цагт суудлын автомашинаар Цамбагарав уулын бэлд хүргүүлж, тус ууланд авиралт хийгээд мөн өдрийн 17:00 цагт бууж ирнэ гэж жолоочдоо хэлээд явсан боловч буцаж ирээгүй байна. 

Энэ талаар наймдугаар сарын 25-ны өдрийн өглөө аймгийн Онцгой байдлын газарт мэдэгдсэнээр, аймгийн Онцгой байдлын газрын Эрэн хайх, аврах бүлгийн алба хаагчид 2 бүлэгт хуваагдан 3728 метрийн өндөрлөг хүртэл эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 21:30 цагт түр зогсоосон. 

Өнөөдөр буюу наймдугаар сарын 26-ны өглөөний 06:00 цагаас эрэн хайх ажиллагааг дахин эхлүүлсэн. Сураггүй алга болсон Итали улсын иргэн Л нь наймдугаар сарын 25-ны орой малчин Д-ынд хоноглоод явсан байж болзошгүй тухай мэдээлэл 26-ны өдрийн 07:03 цагт ирсэн тул шалгахаар ажиллаж байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй