Дээрэмчний машиныг хулгайлжээ
2019-08-29 09:15
АНУ-ын Вашингтон мужийн Кенневик хотод дээрэмчнийг “үндсэн” ажлаа ид хийж байх зуур нь автомашиныг нь хулгайч аваад явчихсан “марзан” тохиолдол саяхан гарчээ.

Наймдугаар сарын 26-ны даваа гарагт Кенневик хотын цагдаагийн газрын шуурхай утсанд Уильям Келли (William Kelley) гэгч холбогдож гудамжинд байсан улаан өнгийн пикап автомашинаа хулгайд алдсан тухай дуудлага өгсөн байна.

Гудамж, барилгуудын гаднах хяналтын камерын бичлэгийг үзэж байгаад цагдаа нар хохирогч Келли нь ойрхон гарсан дээрмийн хэргийг үйлдсэн этгээд болохыг олж тогтоожээ. Сайн эрийг дээрэм хийх гээд орсон хойгуур нь өөр нэгэн сайн эр түлхүүр нь стартертаа зоолттой байсан автомашиныг нь аваад явчихсан аж.

Келлиг дээрмийн хэрэгт буруутган баривчилсан агаад одоогоор автомашин ч, машины хулгайч ч олдоогүй байгаа гэнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй