Олон тэрбумын хожлоо гэрийнхнээсээ нуужээ
2019-08-30 13:39
Канадын Эдмонтон хотын оршин суугч нэгэн эр хонжворт сугалаагаар их хэмжээний мөнгө хожсоноо гэрийнхнээсээ нуухаар шийдсэн байна.

30 жилийн өмнө Вьетнамаас дүүрвэж ирсэн Бон Труонг (Bon Truong) 2018 оны аравдугаар сард хонжворт сугалаагаар 60 сая канад доллар /126 тэрбум төгрөг/ хожсоноо саяхныг хүртэл гэр бүлийнхэндээ хэлээгүй гэнэ.

Азтай эр арваад жилийн турш сугалааны тасалбараа нэгэн ижил тоонуудаар бөглөдөг байжээ.

Амьдрал нь асар их өөрчлөгдөж мэдэх тул гэрийнхнийгээ өөрчлөлтөд бэлэн байлгах гээд дуулгах гэж яарч түвдээгүй гэнэ. Их мөнгөтэй болсон ч гурван хүүхдээ шударгаар ажиллаж хөдөлмөрлөх хэрэгтэй гэж үзэж байгаа бөгөөд өөрөө ч ландшафтны дизайнерын ажлаа хийж байгаа аж.

Эхлээд шинэ байр худалдаж авчихаад үлдсэнийг нь хадгаламжинд хийх гэнэ.

“Бас гэр бүлийнхэнтэйгээ амрахыг хүсч байна. Яг хаашаа явахаа товлоогүй ч, олон орноор аялах бодолтой байна” хэмээн Труонг ярьжээ.

Вьетнам эрийн хожил Lotto Max хонжворт сугалааны түүхэн дэх хамгийн томуудын нэгэнд орж байгаа гэнэ.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй