Ёкозүна Хакүхо Даваажаргал Японы иргэн боллоо
2019-09-04 11:39
Сүмо бөхийн их аварга, 34 настай Хакүхо Даваажаргал албан ёсоор Япон Улсын иргэн болсныг тус улсын засгийн газар өчигдөр мэдээлжээ.

Сүмо бөхийн карьераа үргэлжлүүлж, зодог тайлсан ч өөрийн гэсэн дэвжээгээ байгуулж, шавь нараа бэлтгэхийн тулд заавал Япон Улсын иргэн байх ёстой гэсэн Японы Мэргэжлийн Сүмо бөхийн холбооны дүрмийн дагуу Хакүхо М.Даваажаргал Монгол Улсын иргэншлээс татгалзаж, Япон Улсын иргэн болох шийдвэр гаргасан.

Зургаадугаар сард их аваргын Монгол Улсын иргэншлээс татгалзах хүсэлтийг Ерөнхийлөгч Х.Баттулга ёсчилсон билээ. 

“Японы иргэний нэр төрийг сэвтүүлэхгүйн төлөө хичээх болно. 18 жилийн хөдөлмөр маань өнөөдөр намайг энд авчирлаа. Сүмо бөхийн хөгжилд хувь нэмрээ оруулахыг хүсч байна” хэмээн Миягино дэвжээний үүдэнд сэтгүүлчдэд мэдэгджээ.

Хакүхогийн хувьд Японы иргэншлийг сонгосон сүмо бөхийн гурав дахь их аварга болж байгаа бөгөөд түүнээс өмнө нь АНУ-аас гаралтай хоёр их аварга Японы иргэншилтэй болж байжээ. Харин Монгол Улсаас сэкивакэ Кёкүтэнхо Н.Цэвэгням, Асасэкирюү Б. Дашням нар тус улсын иргэншил авсан билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй