Сэтгэцэд нөлөөлөх төрлийн ургамал 36,5 кг-ийг тээвэрлэж яваад баригджээ
2019-09-05 17:04
Монгол Улсын Засгийн газрын 62 дугаар тогтоолын хэрэгжилтийг хангуулах ажлын хүрээнд Нийслэлийн Мэргэжлийн хяналтын газар, Цагдаагийн Ерөнхий газрын Хүрээлэн буй орчны хяналтын хэлтсийн алба хаагчидтай хамтран Автотээврийн шалган нэвтрүүлэх товчоо, хяналтын цэгүүдэд хяналт шалгалтыг 24 цагийн туршид тасралтгүй явуулжээ.

Шалгалтын явцад өнөөдөр /2019.09.05/ өглөөний 05.30 минутад Гүнтийн давааны хяналтын цэгийн шалгалтаар иргэн Б.Н, Х.Д нар …. УБН улсын дугаартай Тоёота Премио маркийн суудлын автомашинаар 36,5 кг буюу таван шуудай сэтгэцэд нөлөөлөх төрлийн ургамлыг орон нутгаас тээвэрлэж явсныг илрүүлсэн байна.

Тус иргэдийг саатуулж, Чингэлтэй дүүргийн Цагдаагийн хоёрдугаар хэлтэс, Цагдаагийн Ерөнхий газрын Хар тамхитай тэмцэх газарт хүлээлгэн өгсөн байна. 

Өмнө нь НМХГ-ын эргүүл хяналтын ажилтнууд гурван удаагийн үйлдлээр 18 уут сэтгэцэд нөлөөлөх ургамал тээвэрлэн нэвтрүүлэхийг завдсаныг илрүүлж, холбогдох хууль хяналтын байгууллагад шилжүүлэн өгч ажиллажээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй