Худлаа үхээд хэрэгт оров
2019-09-06 09:02
АНУ-ын Мэн мужийн Форт Кент хотын оршин суугч байрны мөнгөө төлөхгүйн тулд үхсэн хүн болж жүжиглээд өргөст торны цаана оржээ.

Байрны эзэн түрээсний мөнгөө авахаар ирэхэд түрээслэгч 28 настай Тед Заринс (Ted Zarins) үхсэн мэт байсан тул сандрахдаа цагдаа, түргэн тусламж дуудсан байна. Гэхдээ эмч, цагдаа нарыг ирэхэд “хүнд гар” хэдийнэ ухаан орчихсон хээвнэг сууж байсан гэнэ. 

Хэргийн газарт ирсэн хууль сахиулагчид Заринс нь хүн айлган сүрдүүлсэн хэрэгт буруутгагдан шүүхэд дуудагдсан ч оргон зайлсан этгээд болохыг олж мэдсэн  байна. Аз нь шовойсон цагдаагийн ажилтнууд азгүй “жүжигчин”-ийг тэр дор нь баривчилжээ.

PS: 2018 онд үүнтэй төстэй хэрэг Тайландад болсон билээ. Гэрт нь дайран орж ирсэн дээрэмчин гэрийн эзэгтэйг хүчиндэхийг завджээ. Сэргэлэн бүсгүй амьсгалаа түгжин, үхсэн мэт болоход айсан хэрэгтэн зугтан одсон юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй