Эхнэрийнхээ амь насыг хөнөөсөн этгээдийг баривчилжээ
2019-09-07 15:00
Сүхбаатар дүүргийн 12 дугаар хорооны нутаг дэвсгэрт нийтийн байранд хүн нас барсан байна гэсэн дуудлага есдүгээр сарын 4-ний үүрийн 04:00 цагт цагдаагийн байгууллагад иржээ. 

Цагдаагийн бие бүрэлдэхүүн хэргийн газар дээр очиход 40 настай эмэгтэйг хамтран амьдрагч 53 настай Баярсайхан гэгч этгээд амь насыг нь хөнөөгөөд, зугтсан байжээ. Сэжигтэн хэрэг үйлдэх үедээ согтууруулах ундаа хэрэглэсэн байсан нь урьдчилсан байдлаар тогтоогдоод байсан юм. 

Сэжигтэн Баярсайханыг хэрэг гарсан өдрөөс хойш улс орон даяар эрэн сурвалжилж байсан бөгөөд өнөөдөр 13 цаг 30 минутын орчимд цагдаагийн алба хаагчид түүнийг барьсан байна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй