Модтой гэрлэсэн бүсгүй овгоо ч солино
2019-09-10 09:42
Их Британийн иргэн, хоёр хүүхдийн эх Кэйт Каннингем (Kate Cunningham) модтой гэрлэж, овгоо модны нэрээр солихыг завдаж байгаа гэнэ.

Бүсгүйн найз залуу ч үүнийг нь дэмжиж, хуримын ёслолд нь тусласан байна. Том хүү нь эхлээд ихэд цочирдсон ч эхийнхээ хүсэл эрмэлзлэлийг нь мэдээд хуримын ёслолд очихоор болсон бол аав нь охиноо мөн л бүхий л талаар дэмжжээ.

34 настай сүйт бүсгүй Ливерпүүлийн дагуул хот Лизерлэндийн Римроуз Вэлли  цэцэрлэгт хүрээлэнгийн нэгэн навчит бут сөөгтэй гэрлэж, тус паркийн мод бутыг сүйтгэн байж дундуур нь автозам тавихыг эсэргүүцсэн кампанит ажилдаа хүмүүсийн анхаарлыг хандуулахыг хүсэж байгаа аж.


Хуримын ёслолдоо чидун жимсний өнгөтэй даашинзаар гангарсан бүсгүй маань одоо “нөхөр”-ийнхөө нэрийг авч Кэйт Элдер болгон овгийнхоо нэрийг солих гэнэ.

“Ээж маань багтраа өвчний улмаас таалал төгссөн, харин би бронхоэктази өвчтэй. Байгаль орчныг сүйтгэн байж түгжрэлтэй автозам барих гэж байгаа нь бидний эрүүл мэндэд аюул учруулж байна. Манай нутаг угаасаа экологийн гамшгийн бүс болчихсон, харин ч нөхцөл байдлыг хэрхэн сайжруулахаа бодох ёстой байтал нэрмээс болгох зүйлс хийхийг бид хэрхэвч тэвчихгүй” хэмээн Кэйт сэтгүүлчдэд өгүүлжээ.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй