Төв цэвэрлэх байгууламжнаас хүний цогцос олджээ
2019-09-10 10:26
Нийслэлийн Сонгинохайрхан дүүргийн 20 дугаар хороо, “Төв цэвэрлэх байгууламж”-ийн 2 дугаар сараалжны хэсэгт хүний цогцос байна, гаргаж өгнө үү гэсэн дуудлага есдүгээр 09-ний 11:14 цагт иржээ.

Дуудлагын дагуу Нийслэлийн Аврах ангийн алба хаагчид очин, тус цэвэрлэх байгууламжийн 2 дугаар сараалжны 1.5х2 метрийн хэмжээтэй төмөр хийц дээр нэр, нас, харьяалал нь тодорхойгүй эрэгтэй хүний цогцос байсныг гарган авч, цагдаагийн алба хаагчдад шилжүүлэн өгсөн байна.

Энэ талаар ЦЕГ-ын Хэвлэл мэдээллийн төвийн дарга, дэд хурандаа Б.Баатархүүгээс тодруулахад "Төв цэвэрлэх байгууламжаас олдсон цогцосыг шалгаж байна. Урьдчилсан байдлаар осол биш урсаж орж ирсэн байх магадлалтай гэж үзэж байна" гэлээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй