Ноён уул орчмыг тусгай хамгаалалтад авлаа
2019-09-11 13:20
Засгийн газрын өнөөдрийн хуралдаанаар Сэлэнгэ аймгийн Мандал сумын Ноён уул орчмын газрыг улсын дархан цаазат тусгай хамгаалалтад авч ангилал ахиулах шийдвэр гаргажээ. 

Энэ талаар БОАЖ-ын сайд Н.Цэрэнбат мэдээлэл хийж, "Ноён уулын асуудал их олон жил яригдсан. 1995 оны 21600 га газрыг тусгай хамгаалалтад авсан байдаг ч 12 лиценз олгогдсон. Тусгай хамгаалалтад авахын өмнөх өдөр алтны хайгуулын тусгай зөвшөөрөл олгосон байна. Шадар сайдаар ахлуулсан ажлын хэсэг Ноён уул орчимд олгосон тусгай зөвшөөрлийн олголт болон ашиглалтад шалгалт хийнэ. Энэ газар нутагт Пурам, Гацуурт, Сентерра гоулд гэсэн таван аж ахуйн нэгжид нийт 12 тусгай зөвшөөрөл олгосон байна. Хууль зөрчсөн этгээдэд холбогдох хуулийн дагуу арга хэмжээ авна" гэлээ. 

Ноён уулыг дархан цаазат, тусгай хамгаалалттай газрын ангилалд авах тухай шийдвэр өнөөдрөөс албан ёсоор хэрэгжих юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй