19 сурагч үдийн хоолноос хорджээ
2019-09-12 10:48
Баянзүрх дүүргийн 13-р хороо, "Цэцээ гүн" сургуулийн байранд байрладаг "Уудам Монгол" ахлах сургуулийн 19 хүүхэд хоолны хордлогын шинж тэмдэгтэйгээр Халдварт өвчин судлалын үндэсний төвд хандсан байна. Улмаар 14 сурагч ХӨСҮТ -д хэвтэн эмчлүүлж, таван сурагч гэрээр эмчлүүлж байгаа юм.

Нийслэлийн мэргэжлийн хяналтын газраас мэдээлснээр, "Уудам Монгол" сургуульд есдүгээр сарын 11-ны өдрийн хоолонд тахианы зутан шөл, үхрийн махан котлет олгогдож, нийт 103 сурагч, есөн багш, ажилтнууд хооллосон байна. Тус сургуулийн хоолыг Чингэлтэй дүүргийн нутаг дэвсгэрт байрладаг ”Фаунд таун” ресторанаас нийлүүлдэг болох нь тогтоогдсон ажээ.

Шалгалтын явцад тус сургуулийн 6-11 дүгээр ангийн дөрвөн хичээлийн танхимаас 15 арчдас, коридорт байрлах цэвэр усны төхөөрөмжийн уснаас дээж авч шинжлүүлэхээр НМХГ-ын Төв лабораторид хүргүүлсэн бөгөөд  хоолны дээж аваагүй, хоол хүнсийг хадгалалтын шаардлага хангахгүй нөхцөлд тээвэрлэн түгээж олгосон зөрчил илэрсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Санал
    Хүүрдүүдийн ээж аав нар өөрсдөө тэр мөнгийг нь аваад ээлжлээд үдийн цай хөтөлбөрийг нь хэрэгжүүлж болохгүй юу, ийм гарц байж болох юм шиг л харадах юм
    2019 оны 09 сарын 13 | Хариулах
  • Их уншсан
  • Их сэтгэгдэлтэй