Volkswagen логогоо шинэчлэв
2019-09-13 12:30
ХБНГУ-ын Франкфурт хотод болж байгаа олон улсын автосалоны үеэр Фольксваген компани шинэ таних тэмдгээ танилцуулсан байна. “Ард түмний машин”-ыг үйлдвэрлэгч алдарт компани түүхэндээ 12 дахь удаагаа логогоо өөрчилж байгаа бөгөөд энэхүү цар хүрээтэй ребрэндинг дэлхийн 154 улсад байдаг 10 мянга гаруй төлөөлөгчийн газар болон үйлчилгээний төвүүдийг хамрах гэнэ.


Технологийн дэвшил, өөрчлөлт шинэчлэлийг илэрхийлж буй шинэ логотип арай “гоолиг” болж үсгүүд “турсан” байна. Мөн өмнөх логоны 3D эффект алга болсноор хавтгай харагддаг болжээ.

“Логоны шинэ дизайн Фольксвагенд шинэ эрин эхэлж байгааг зарлаж байгаа юм” хэмээн концерны Удирдах зөвлөлийн гишүүн Юрген Стакманн мэдэгдсэн байна.


Шинэ лого тус компанийн шинэ цахилгаан машин ID.3 дээр “нээлт”-ээ хийжээ. “Гольф”-ын цахилгаан хувилбар нь 45 киловаттын аккумулятортай бөгөөд бүтэн цэнэгээр 330 км замыг туулах чадвартай гэнэ. Шинэ автомашин 2020 оны зунаас худалдаанд гарна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Төрөө
    Муухай болжээ туранхай нохой шиг
    2019 оны 09 сарын 18 | Хариулах
  • Их уншсан
  • Их сэтгэгдэлтэй