Найрамдлын Дархан хот өнгө нэмэв
2019-09-14 10:10
Сүүлийн хоёр жил Дархан хотын төв зам дагуух 100 гаруй нийтийн орон сууцанд 50000 цаг ажиллах хугацаатай, ус борооны IP 66 хамгаалалттай олон улсын жишиг, стандартын фасадны гэрэлтүүлгийг угсарч хотод өнгө нэмсэн байна.

Энэ ажил 2018 онд эхэлсэн бөгөөд тус онд Хуучин Дарханы Алтны уулзвараас шинэ Дарханы 16 давхар хүртэлх төв зам дагуух нийт 23 нийтийн орон сууцнуудын фасадны гэрэлтүүлгийг угсарч тус байруудын цахилгаан хангамжийн ажил хийгдэж бүрэн дууссан юм.

Харин энэ онд шинэ Дарханы 54 байр, хуучин Дарханы 26 байранд 13000 метр гэрэлтүүлгийг улсын төсвийн 400 сая төгрөгөөр суурилуулсан. 

Ийнхүү Дархан хотын төв зам дагуу лед гэрэлтүүлгийг угсарснаар хотын өнгө үзэмж ихэд нэмэгдэхээс гадна харанхуй зам талбайг гэрэлтүүлж гэмт хэргийн гаралт багасч байгаа нь Дарханчуудад өндрөөр үнэлэгдэж байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй