Эмил Хески Лэмпард, Жеррард хоёрыг доош нь хийв
2019-09-17 10:38
Английн шигшээгийн тоглогч асан Эмил Хески арьсны өнгөнөөс нь болж дасгалжуулагчийнх нь замналд бэрхшээл учирдаг хэмээн үзэж буйгаа ярьжээ.

“Хар арьстай хүмүүс яагаад хамгийн дороос эхэлдэг, харин бусад нь хаана ч ажилд орчихож чаддагийг ойлгохгүй байна. Лэмпард, Жеррард хоёрт хэрэгтэй албан тушаал, ажлаа авахад ямар хялбархан байв. Би үүнд арьс өнгөний асуудал байна л гэж таамаглаж байна. 

Авсан шагнал, медалийг нь жишээ татаж байгаад ярьж болно. Сол Кэмпбелл Жеррардаас хавьгүй их шагналтай. Харин Эшли Коул энэ хоёроос хоёулангаас нь илүү гавьяа шагналтай. Тэр бол өөрийн үеийнхээ Английн хамгийн шилдэг хөлбөмбөгч. Гэтэл түүнд “Челси”-гийн 15 насны тоглогчдийг дасгалжуулахийг л санал болгож байна.


Бүгд л амжилт олох хэрэгтэй л гэдэг. Харин “Мидлсбро”-г дасгалжуулж Премьер лигт ямар ч амжилт гаргаагүй хүн Английн шигшээ багийг дасгалжуулж байна шүү дээ.

Бидний дунд нэр хүнд муутай, бусдад гар хүрдэг хүмүүс байдаг. Гэтэл ажлынхаа байрнаас ховхрохгүй байж л байдаг, харин би яаж ч хичээгээд шат ахиж чаддаггүй. Хар арьстай хүмүүс энэ ажилд тохирохгүй гэсэн ганц л дүгнэлтэд хүрэхээс өөр аргагүй болж байна” хэмээн Хески өгүүлжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    За болиоч дээ Хески. Дасгалжуулагч болно гэдэг чинь олон жил багийн ахлагч хийж тоглолтын бүрэн хянах чадвар суусан туршлагатай чадварлаг тоглогчдын хийдэг ажил. тоглолтыг хянахын тулд арын хамгаалалт эсвэл дундын шугамд тоглодог хүмүүс илүү тохиромжтой. Тиймдаа ч сайн дасгалжуулагч нар голцуу хамгаалагч эсвэл төвийн хагас хамгаалагчаар тоглодог байсан хүмүүс байдаг. Ялангуяа Хески шиг үр нөлөө багатай тааруухан довтлогч нар олигтой дасгалжуулагч болж чадах уу?
    2019 оны 10 сарын 01 | Хариулах
  • Их уншсан
  • Их сэтгэгдэлтэй