Daimler концерн 870 сая еврогоор торгуулав
2019-09-26 12:07
Германы Прокурорын газар одоогийн мөрдөгдөж буй экологийн норм нормативт тэнцэхгүй 684 мянган автомашин борлуулсан Daimler концерныг хариуцлага алдсан гэж үзэн 870 сая еврогоор торгохоор болжээ.

Штутгарт хотын прокурорын газрын мэдэгдэлд, тус концерн 2008 оноос хойш азотын исэл болон бусад хортой хаягдлын түвшин хэвийн хэмжээнээс илүү гарсан автомашиныг худалдаж байсан хэмээн мэдэгджээ.

Daimler концерн прокурорын газрын шийдвэртэй танилцсаны эцэст давж заалдахаас татгалзаж, торгуулийг төлж барагдуулахаар болсон байна.

Евро-5 стандартаар үйлдвэрлэгдсэн дизель хөдөлгүүртэй Мерседес Бенц автомашин эзэмшигчдэд яндангийн шүлтүүрийг нь сольж өгөхөд бэлэн гэдгээ Даймлер концерн зарлаж байсан билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй