Монголын дипломатч Германд шийтгүүлэв
2019-09-30 10:05
ХБНГУ-ын Дрезден хотын шүүх Монгол Улсын дипломатч Т.Мөнхбат болон жолооч Э.Оргил нарт ял оноосон талаар Германы хэвлэл мэдээллийн хэрэгслүүд мэдээлжээ.

Тодруулбал, Германы Дрезден хотын шүүх энэ сарын 13-нд ОХУ-ын Буриад улсын Улаан-Үдэд суугаа Ерөнхий консулын газарт худалдааны атташегаар ажиллаж байсан Т.Мөнхбатад гурван жил, есөн capын хорих ял оноосон байна. Түүнтэй хамт баривчлагдсан жолооч Э.Оргилыг суллах шийдвэр шүүхээс гаргасан талаар Германы зарим хэвлэл мэдээлсэн бол зарим нь түүнийг найман сар хорих ял сонссон байна.

Хэргийг сануулахад, худалдааны атташе Т.Мөнхбат, жолооч Э.Оргил нар нь 150 мянган ширхэг сэтгэц нөлөөт буюу тайвшруулах, мансууруулах үйлчилгээтэй эм тээвэрлэж яваад Германы зүүн өмнөд бүсийн А17 чиглэлийн хурдны зам дээр саатуулагдсан билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй