Хулхи “эхнэр”-ээ хулхиджээ
2019-10-03 08:38
Хятадын Гуйчжоу мужийн оршин суугч нэгэн залхай эр мөнгөтэй болохын тулд худлаа хуримлаж, эцэс сүүлд нь түр хөлсөлсөн “эхнэр”-тээ тохирсон мөнгөө төлөлгүй бултжээ.

Бүсгүйчүүдийг “түрээслэдэг” агентлагаас хөлсөлж авсан Сяо Ли “сайн эр”-ийн гэр бүл, найз нөхдийнх нь өмнө хэд хоног сүйт бүсгүйн дүрд тоглосныхоо төлөө өдрийн 521 юань (194 мянган төгрөг) хөлс авахаар тохирсон байна. 

“Хуримын ёслол наймдугаар сарын 25-нд болсон. Тэр надад өдрийн 521 юанийг өгөхөөс гадна хоол унд, зочид буудлын хөлсийг ч төлөхөөр тохиролцсон” хэмээн бүсгүй ярьжээ.

Хурим ч сайхан болж зочдын өгсөн мөнгө бараг 60 гаруй юань (22 сая гаруй төгрөг) болсон гэнэ.

Хуримынхаа маргааш “хос”-ууд бал сарын аялалдаа гарч хэд хоног мужаараа тойрон аялсан байна. Хоёр ч шөнийг эхнэрийн үүргийг гүйцэтгэж өнгөрүүлсэн ч луйварчин этгээд хөөрхий бүсгүйд нэг ч юань өгөлгүй гэнэт бултсан гэнэ.

Хуульчдад хандсан ч бичгээр гэрээ үйлдэлгүй, зөвхөн аман тохиролцоогоор “ажилласан” болохоор мөнгөө олж авах найдвар байхгүйг ойлгосон бүсгүй хэвлэлийнхэнд хандсан аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    Эхнэр нь хулхи юм уу нөхөр нь үү
    2019 оны 10 сарын 04 | Хариулах
  • Их уншсан
  • Их сэтгэгдэлтэй