Хөвчийн баавгай хүний аминд хүрчээ
2019-10-05 08:07
Цагдаагийн байгууллагаас өгсөн мэдээллээр аравдугаар сарын 3-ны өдрийн 19 цагийн орчимд Сэлэнгэ аймгийн Ерөө сумын “Могойн гол” гэх газар Сэлэнгэ аймгийн цагдаагийн газрын алба хаагчид үүрэг гүйцэтгэх хугацаанд айлын гэр нурсан байхыг хараад очиж шалгатал баавгайд бариулж амиа байж болзошгүй хоёр хүн байна гэх дуудлага мэдээллийг ирүүлсэн байна.

Тус дуудлагын дагуу Сэлэнгэ аймгийн цагдаагийн газрын жижүүрийн бүрэлдэхүүн хэргийн газар ажиллахад 1964 онд төрсөн эрэгтэй О, мөн түүний хүү 8 настай хүү Б нар амиа алдсан болохыг тогтоосон байна.

Цагдаагийн байгууллага шалгалтын ажиллагааг үргэлжлүүлж байна.

Уг хэрэгтэй холбоотойгоор Сэлэнгэ аймгийн Байгаль орчин, аялал жуулчлалын газраас ойн хүрэн баавгайнаас болгоомжлох сэрэмжлүүлгийг гаргажээ.

2019 онд ойн дагалт баялаг муу ургасан, ойд идэх идэш хоол нь багассаны улмаас баавгай хөвчөөс бууж голын бургас, сууршлын бүс руу орж ирж байгаа аж.

Өнөөдрийн байдлаар Алтанбулаг, Жавхлант, Хүдэр, Сант, Хушаат, Ерөө зэрэг сумдын нутагт малчдын намаржаа руу орж ирсэн байна. Иймд баавгайн халдлагаас иргэд, малчдын амь нас, эд хөрөнгийг хамгаалах болзошгүй аюулаас урьдчилан сэргийлэх зорилгоор дараах зөвлөмжийг хүргүүлсэн байна.

Үүнд:
1. Малчид тухайн бүс нутгаас нүүх
2. Бүс нутгаас нүүхгүй бол нэг дороо төвлөрч буух
3. Айл өрхүүд орой үдшийн цагаар май, гал гаргах зэрэг арга хэмжээг авч хэрэгжүүлэх
4. Орой үдшийн цагаар хариуцлагатай жижүүр томилж ажиллуулах,
5. Машин, мотоциклоо асахад бэлэн байлгах,
6. Үргээлэг хийх энгийн арга хэмжээ авах
7. Хоорондоо байнгын холбоотой байх
8. Баавгайг алж устгахгүй байх
9. Идэш тэжээлийн зүйл өгөхгүй байх
Иргэд намрын улиралд самар жимс дагалт баялгийг түүх, хадлан бэлтгэх, төмс хүнсний ногоо үр тариа хураах зорилгоор хөдөө, орон нутаг руу зорчихдоо анхаарал болгоомжтой байхыг сэрэмжлүүлж байна гэжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй