“Жоли” Ираны шоронд хоригдов
2019-10-08 08:31
Холливүүдийн нэрт жүжигчин Анжелина Жолигийн “аймшигтай хувилбар” хэмээн алдаршсан иран бүсгүй Сахар Табар (Sahar Tabar)-ыг Тегеран хотод баривчилж, инстаграм хуудсыг нь хаажээ.

22 настай бүсгүйг лалын шашны ариун зүйлсийг гутаан доромжилсон, залуучуудыг хүчирхийлэл, авлигад уруу татсан, хууль бусаар хөрөнгөжсөн болон лалын шашинт эмэгтэйчүүдийн хувцаслалтыг доромжилсон зэрэг хэрэгт буруутгасан байна.

Тэрбээр Энжитэй адилхан болохын тулд 50 гоо сайхны мэс ажилбарт орж, 40 кг хүртлээ жингээ хассан гэсэн яриагаараа анх 2017 оны арваннэгдүгээр сард шуугиан тарьж, “аймшгийн” гэрэл зургуудаараа олны анхаарлыг татаж чадсан билээ.

Гэвч иран бүсгүй удалгүй худлаа ярьснаа хүлээн зөвшөөрч хүмүүсийг хөгжөөхийг оролдсон гэсэн тайлбарыг өгч байсан юм. Гэхдээ цөөн хэдэн гоо сайхны хагалгаа хийлгэсэн бөгөөд өөрийг нь алдар хүндтэй болгосон төрхөө нүүр будалт болон фотошопоор бий болгосон хэмээн үнэнээ өчсөн удаатай.


Сахар Табар 2018 оны долоодугаар сард өөрийнхөө үнэн бодит царай төрхөө харуулсан гэрэл зургийг нийтэлж байсан юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй