Стандартын шаардлага хангахгүй хэрэглээний усаар оршин суугчдад үйлчилж байжээ
2019-10-08 11:36
Хан-Уул дүүргийн 11 дүгээр хороонд байрлах “Женерал таун” болон “Астра вилла” хотхоны Сууц Өмчлөгчдийн Холбооноос ирүүлсэн гомдлын дагуу тус хотхоны ундны усаар хангаж буй гүний худаг, ус нөөцлөх сан, хэрэглэгчийн цэгээс ундны усны дээж авч, Нийслэлийн Мэргэжлийн хяналтын газрын Төв лабораторид шинжилгээнд хамруулан 1910001108 тоот Зөрчлийн хэрэг нээн шалгаж байна.

НМХГ-ын төв лабораторийн шинжилгээний дүнгээр “Женерал таун” хотхоны байруудын хэрэглэгчийн цэгээс авсан усны дээжинд бичил биетний ерөнхий тоо зөвшөөрөгдөх дээд хэмжээнээс их, халуунд тэсвэртэй гэдэсний савханцар илэрсэн, “Женерал таун” хотхоны хаусуудын ус нөөцлөх сангаас авсан дээжинд халуунд тэсвэртэй гэдэсний бүлгийн савханцар илэрсэн, “Астра вилла” хотхоны ус нөөцлөх сан, хэрэглэгчийн цэгээс авсан ундны усны дээжинд халуунд тэсвэртэй гэдэсний бүлгийн савханцар илэрсэн байгаа нь “Хүрээлэн буй орчин. Эрүүл мэндийг хамгаалах. Аюулгүй байдал. Ундны ус. Эрүүл ахуйн шаардлага, чанар, аюулгүй байдлын үнэлгээ” MNS0900:2018 стандартын шаардлагын аюулгүй байдлын шаардлагыг хангахгүй байгаад Прокурорын 04 тоот тогтоолоор үйл ажиллагааг түр зогсоосон.

“Баатар дулаан хан” ОСННАК-Т эрх бүхий албан тушаалтны албан даалгавар хүргүүлэн ус нөөцлөх сав болон ус түгээгдэж буй шугам хоолойд угаалга, цэвэрлэгээ, халдваргүйтгэл хийлгэн цэвэрлэгээ хийж дууссаны дараа 2019 оны аравдугаар сарын 7-ний өдөр давтан дээж авч Нийслэлийн Мэргэжлийн хяналтын газрын Төв лабораторид шинжилгээнд хамруулахаар хүргүүлэн ажиллаж байна.

Эх сурвалж: НМХГ
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна