Жей Ло өөрийнхөө гэрэл зургаас болж шүүхэд дуудагдав
2019-10-09 11:10
Холливүүдийн алдарт дуучин, жүжигчин Женнифер Лопес 150 мянган доллараар шатаж магадгүй гэнэ. Түүнийг зөвшөөрөлгүйгээр гэрэл зураг авч ашигласан хэмээн гэрэл зургийн Splash News and Picture агентлаг шүүхэд өгчээ.

Хоёр жилийн өмнө Нью-Йорк хотод найз залуу Алекс Родригестэйгээ “романчиглаж” байхад нь тус агентлагийн папараццичдын авсан нэгэн фото Жей Ло-д ихэд таалагдсан тул инстаграм хуудсандаа нийтэлж орхисон аж.

Зөвшөөрөл авалгүй зураг нийтэлсэнд эгдүүцсэн тус агентлагийнхан  “ховор, шинэлэг” гэрэл зургийг “хулгайлсан” хэрэгт од бүсгүйг буруутган шүүхэд өгсөн байна.

“Гэрэл зургийг хууль бусаар авч хэрэглэх нь гэрэл зургийн одоогийн болон ирээдүйн зах зээлд хор хохирол учруулж байна” гэж шүүхэд гаргасан өргөдөлд дурджээ.

Оддын иймэрхүү зураг их үнэд хүрч, гэрэл зургийн агентлагуудад их хэмжээний орлого авчирдаг бөгөөд одууд иймэрхүү зургаа цахим хуудсандаа нийтлэвэл сая сая хүн үнэгүй авч хэрэглэх боломжтой болж зургийн үнэ цэнэ үгүй болдог аж.

Тус агентлаг бусдад (одод гэж уншвал зохилтой) сургамж болох үүднээс шүүхэд хандсан бөгөөд нөхөн олговорт Лопесоос 150 мянган ам доллар нэхэмжилсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • хаха
    Өөрийнх нь зургийг өөрт нь бараг зарчихаж бгаамуу
    2019 оны 10 сарын 09 | Хариулах