АНУ-ын Миссури мужийн Саммит Ли хотын оршин суугч нэгэн залуу эхнэрийнхээ машиныг шатахуунаар цэнэглүүлэхдээ азтай сугалаа “сугалсан” байна.

Стивен Нойнер (Steven Neuner) эхнэрийнхээ машиныг унаж яваад зайлшгүй шаардлагын улмаас Temp Stop ШТС-д саатжээ.

“Би уг нь тийшээ орох шаардлагагүй байсан юм. Автомашины бензин дууссан” хэмээн ярих “азтан” машиндаа шатахуун авах зуураа 12-18-19-28-28-32-42 дугаартай Missouri Lotto хонжворт сугалааны тасалбарыг худалдаж авсан байна.

Хоёр хоногийн дараа мөн л эхнэрийнхээ тэргийг барьж явахдаа сугалаагаа шалган 1,2 сая ам.доллар (3 тэрбум 212 сая төгрөг) хожсоноо мэджээ.

“Гэртээ ирэхдээ тэр ямар царайтай байсан гээч... Би түүнээс “За ямар хэрэг тарьсан? Миний машиныг мөргүүлчихсэн үү?” асуусан шүү” хэмээн Стивены эхнэр ярив.

Залуу хос хожлын мөнгөнийхөө нэг хэсгээр байрныхаа зээлийг дараад үлдсэнийг нь хадгаламжиндаа хийхээр болжээ.